Nury Halmämmedow adyndaky “Dutaryň owazy” Moskwa halkara festiwalynyň guramaçylyk komiteti geçen döwrüň tanymal türkmen zenan aýdymçylarynyň hormatyna ýörite baýraklary döretdi diýip, festiwalyň art-direktory Mämmet Guseýnow habar berdi.
Anna güni Hökümetiň mejlisinde wise-premýer Mährijemal Mämmedowa Daşoguz welaýatynyň Saparmyrat Türkmenbaşy etrabynyň Döwkesen geňeşliginde ýaşaýjylar tarapyndan 18 sany altyn, 3 sany kümüş teňňeler, şeýle hem 61 sany altyn teňňäniň bölekleri we 8 sany dürli reňkli tapyndylary Arkadag şäheriniň taryh we ülkäni öwreniş muzeýine bermek baradaky teklibi beýan etdi.
Türki döwletleriň guramasynyň ýanynda Türki dünýäniň umumy maddy we maddy däl medeni mirasynyň katalogy taýýarlanylýar. Bu barada “Anadolu” agentligine beren interwýusynda Türki medeni mirasy gaznasynyň ýolbaşçysy Aktoty Raimkulowa habar berdi.
14-nji iýunda Ýaponiýanyň Sukuba şäherinde beýik türkmen şahyry Magtymguly Pyragynyň 300 ýyllygy mynasybetli konsert geçiriler.
Türkiýe Respublikasynyň Ýozgat şäheriniň merkezi seýilgähinde Türkmenistanyň Türkiýedäki Ilçihanasy tarapyndan Beýik türkmen şahyry we filosofy Magtymguly Pyragynyň ýadygärligine gül goýmak dabarasy gurnaldy.
2024-nji ýylyň 23-30-njy maýy aralygynda beýik türkmen şahyry we akyldary Magtymguly Pyragynyň doglan gününiň 300 ýyllygy we “Pähim paýhas ummany Magtymguly Pyragy” ýyly mynasybetli Ukrainanyň Çagalar milli kitaphanasynda Türkmenistanyň Ukrainadaky Ilçihanasy bilen bilelikde guralan “Türkmen halkynyň medeni gymmatlyklary” atly suratlaryň, kitaplaryň we milli egin-eşikleriň sergisi geçirildi.
Balkanabadyň Çagalar suratkeşlik mekdebiniň okuwçysy Hatyja Gurbanowa Magtymguly Pyragynyň doglan gününiň 300 ýyllygy mynasybetli geçirilýän çärelerden ruhlanyp, nusgawy şahyryň suratyny çekdi.
22-nji maýda Aşgabat şäherinde ýerleşýän Şekillendiriş sungaty muzeýinde “Yzzat Gylyjow we Italiýa” atly sergisiniň açylyş dabarasy boldy. Serginiň açylyşa daşary ýurtly ilçiler we halkara guramalaryň wekilleri, türkmen medeniýetiniň görnükli wekilleri, şol sanda meşhur suratkeşleri, sungaty öwrenijiler we beýleki ýörite myhmanlar gatnaşdy.
Şu ýylyň oktýabr aýynda Ermenistanyň Türkmenistandaky Medeniýet günleri geçiriler. Bu barada Türkmenistanyň medeniýet ministri Atageldi Şamyradow bilen Ermenistanyň bilim, ylym, medeniýet we sport ministri Žanna Andreasýanyň arasyndaky gepleşiklerde pikir alşyldy. Duşuşyk 17-18-nji maý aralygynda Aşgabatda geçirilen Magtymguly Pyragynyň doglan gününiň 300 ýyllygyna bagyşlanan medeniýet ministrleri derejesindäki halkara maslahatyň çäklerinde geçirildi.
Maýa Kuliýewa adyndaky Türkmen milli konserwatoriýasynyň kirişli saz gurallary kafedrasynyň 5-nji ýyl talyby Mähri Dolyýewa solo konsert bilen çykyş eder. Konserwatoriýanyň uly mugallymy, «Altyn asyr» baýragynyň eýesi Näzik Saryýewanyň şägirdi köpugurly maksatnama hödürlär. Myhmanlar barokkodan başlap, XXI asyra çenli dürli döwürleriň sazlaryny, türkmenler, rus we ýewropaly kompozitorlar tarapyndan döredilen skripka üçin döredilen ajaýyp eserleri diňläp bilerler. Maksatnama Paganiniň, Bahyň, Çaýkowskiniň, Şapoşnikowyň, Şossonyň eserlerini öz içine alýar. Konsertmeýster Jeýhun Babaýew.
Özbegistanda Magtymguly Pyragy hakynda çeper filmiň surata düşürilmegine taýýarlyk görülýär. Filme meşhur özbek kinematografçysy Muzaffarhan Erkinow režissýorlyk eder.
Russiýanyň Medeniýet ministrligi ýakyn wagtda Mariinskiý we Bolşoý teatrlarynyň başlygy maestro Waleriý Gergiýewiň ýakyn wagtda Türkmenistana gastrolynyň bolmagyna garaşýar.
Ýurdumyzda her ýylyň maý aýynyň soňky ýekşenbesinde giňden bellenilýän Türkmen halysynyň baýramynyň öňüsyrasynda 2024-nji ýylyň 16-njy maýynda Türkmenistanyň Ukrainadaky Ilçihanasy Ukrainada akkredetirlenen diplomatik wekilhanalaryň ýolbaşçylarynyň maşgala agzalarynyň klubynyň, Ukrain diplomatlarynyň maşgala agzalarynyň klubynyň we Ukrainanyň Prezidentiniň Diwanynyň garamagyndaky Daşary ýurt wekilhanalaryna hyzmat etmek boýunça Baş döwlet kärhanasynyň wekilleriniň gatnaşmagynda çäre geçirdi.
Russiýanyň köp şäherlerinde türkmen şahyry we filosofy Magtymguly Pyragynyň doglan gününiň 300 ýyllygy mynasybetli çäreler geçirilýär. Bu sene bilen baglanyşykly Moskwada, Sankt-Peterburgda, Kazanda, Astrahanda, Woronežde we Russiýanyň beýleki şäherlerinde konsertler, tegelek stollar, edebi we poeziýa agşamlary, talyplar üçin leksiýalar we film görkezilişleri geçirilýär diýip Russiýanyň Medeniýet ministriniň orunbasary Andreý Malyşew türkmen şahyrynyň we filosofynyň doglan gününiň 300 ýyllygyna bagyşlanan halkara maslahatda belläp geçdi.
16-njy maýda penşenbe güni Owganystanyň Mazari-Şerif şäherindäki Türkmenistanyň Baş konsullygynyň gurnamagynda Faýrap welaýatynyň Andhoý etrabynda Magtymguly Pyragynyň doglan gününiň 300 ýyllygy mynasybetli medeni çäre geçirildi.
