Russiýanyň “Rosatom” döwlet kompaniýasy degişli şertnama baglaşylandan soň, örän gysga wagtda Özbegistanda energiýa öndürijiligi 1,2 müň megabite deň bolan iki energiýa bloguny gurmaga taýýar. Bu barada Garaşsyz Döwletleriň Arkalaşygynyň we Ýewraziýa Ykdysady Bileleşiginiň Ikinji ýaşlar forumynyň çäginde aýdyldy diýip “TASS” habarlar agentligi habar berýär.
Şwesiýanyň paýtagty Stokgolmda ilkinji sürüjisiz elektrik parom ýüzüşe çykdy. Şeýlelik bilen, bu şäher şuňa meňzeş tehnologiýany ulanyp başlan dünýädäki ilkinji şäher boldy.
ÝUNESKO Gyrgyzystandaky, Täjigistandaky, Özbegistandaky we Gazagystandaky buzluklaryň we buzasty kölleriň kartasyny döreder. Bu barada ÝUNESKO-nyň baş direktory Odre Azule Gazagystanyň paýtagtynda geçen «Astana» halkara forumynda beýan etdi – diýip, TASS habar berýär.
Türkmenistanyň Saglygy goraýyş we derman senagaty ministrliginiň Döwlet arassaçylyk we keselleriň ýaýramagyna garşy göreşmek gullugynyň hünärmenleri, fitosanitar lukmanlary keselleri anyklamak, şol sanda inçekesele garşy göreşmek we öňüni almak boýunça okuw-tejribelik sapaklaryny geçdiler.
Türkmenistanyň Döwlet gümrük gullugynyň wekilleri Germaniýanyň «Merkezi Aziýada söwda ýardam etmek» taslamasynyň ýolbaşçysy Fesilitas Zik bilen duşuşdylar, onuň barşynda söwda amallaryny ýönekeýleşdirmek boýunça ädimler ara alnyp maslahatlaşyldy.
Russiýanyň güni mynasybetli 11-nji iýunda Aşgabat şäherindäki Magtymguly adyndaky sazly-drama teatrynda baýramçylyk konserti guralar. Bu barada Russiýa Federasiýasynyň Türkmenistandaky ilçihanasynyň birinji sekretary, “Rossotrudniçestwo-nyň” ýurt boýunça wekili Ýuliýa Zaýsewa “ORIENT-e” habar berdi.
Gazagystan Respublikasynyň Prezidenti Kasym-Žomart Tokaýew Birleşen Milletler Guramasynyň Howpsuzlyk Geňeşini täzeçil düzmegiň möhümdigini mälim etdi. Onuň mälim etmegine görä, Geňeşiň düzüminde özgertmeleriň geçirilmezligi global meseleleri çözmekde kynçylyklary döredýär. Bu barada Prezident Kasym-Žomart Tokaýewiň “Astana” halkara forumynda eden çykyşyna salgylanyp, Prezidentiň metbugat gullugy mälim edýär.
Türkmenistanyň Daşary işler ministriniň orunbasary Wepa Hajyýew Koreýa Respublikasynyň ilçisi Ji Kýu-Tek bilen gepleşikleri geçirdi, onuň barşynda «Merkezi Aziýa — Koreýa Respublikasy» 16-njy Forumyny we Bilelikdäki hökümetara toparynyň nobatdaky mejlisini Aşgabatda 2023-nji ýylda geçirmegi ara alyp maslahatlaşdylar.
17-nji iyundan başlap ABŞ-nyň emmigrasiýa bilen bagly bolmadyk, petisiýa esaslanmaýan wizalarynyň ähli görnüşler üçin ýygymlaryň möçberi artdyrylar. Bu barada ABŞ-nyň Türkmenistandaky ilçihanasy habar berýär.
Anna güni, 9-njy iýunda Türkmenistanyň Döwlet haryt-çig mal biržasyndaky söwdalaşyklarda jemi bahasy $105,7 mln amerikan dollaryna we 14,1 mln türkmen manadyna deň bolan 30 geleşik baglaşyldy – diýip, ORIENT-iň habarçysy habar berýär.
Türkmenistanyň ýetginjekler ýygyndysy göreş boýunça Bişkekde (Gyrgyzystan) 10-njy iýunda başlanjak Aziýanyň çempionatyna gatnaşar.
Sebitiň ýurtlary bilen ykdysady hyzmatdaşlygyň giňelmegine goşant goşan bu ugurda oňyn faktoryň, Wengriýanyň synçy hökmünde Türk döwletleriniň guramasyna goşulmagyny, Türkmenistanyň hem şol statusa eýedigini belläp, wenger tarapynyň Türkmenistan we umuman Merkezi Aziýa döwletleri bilen hyzmatdaşlygy mundan beýläk-de ösdürmäge gyzyklanma bildirýändigini aýtdy.
Türkmenistanyň Prezidenti Serdar Berdimuhamedow Wengriýanyň premýer- ministri Wiktor Orban bilen giňeldilen formatda geçirilen gepleşiklerde söwda we ykdysady gatnaşyklary ikitaraplaýyn hyzmatdaşlygyň möhüm bölegi diýip atlandyrdy we özara söwdany ýokarlandyrmak üçin pudagara derejesinde maksatly teklipleri işläp düzmegi teklip etdi.
Anna güni “Aşgabat” kinoteatrynda Rus kinosy we animasiýa günleri açyldy we bu çäre 14-nji iýuna çenli dowam eder. Kino zalynyň foýesinde festiwalyň gurnaýjylary multfilm gahrymanlary, wiktorinalar we dürli ýaryşlar bilen bezelen surat zolaklaryny guradylar. Çagalar we ulular halaýan gahrymanlary – pälwanyň ýa-da şa gyzynyň we filmleriň beýleki gahrymanlarynyň ornunda özlerini synap gördüler.
Özbegistanda täze uniwersitet – daşky gurşawy we howanyň üýtgemegini öwrenmek boýunça Merkezi Aziýa Green University uniwersiteti açyldy. Dalaşgärleri kabul etmek 2023-nji ýylyň sentýabr aýynda başlar diýip, Podrobno.uz habar berýär.
