Almatynyň häkimi Gazagystanyň halklarynyň Agzybirlik gününe bagyşlanan sergi-ýarmarkasyna baryp görmegiň barşynda türkmen halkynyň halk döredijilik eserlerine ýokary baha berdi, bu sergide Türkmenistanyň GR-daky ilçihanasynyň «Türkmen jemgyýetçilik-medeni merkeziniň» pawilýony görkezildi.
Russiýanyň Küşt federasiýasy Ýewropanyň küşt birleşmesinden Aziýanyň küşt federasiýasyna geçmegi tamamlady. Russiýanyň Küşt federasiýasynyň prezidenti Andreý Filatow bu wakany «täze taryhy sahypa» diýip atlandyrdy we Aziýa küşt federasiýasynyň prezidenti Sultan bin Halifa Al Nahaýýana minnetdarlyk bildirdi.
Döwlet guramalarynyň we telekeçilik gurluşlarynyň gatnaşmagyndaky türkmen-german ykdysady forumy üstümizdäki ýylyň oktýabrynda Germaniýada geçiriler. Çärä taýýarlyk görmegiň çäklerinde sanly aragatnaşyk arkaly tematiki seminarlar geçer.
Türkmen wekiliýeti Merkezi Aziýada söwda amallaryny ýönekeýleşdirmek boýunça Milli komitetleriň Daşkentde geçen 9-njy sebitleýin duşuşygyna gatnaşdy. Bu barada Türkmenistanyň Döwlet gümrük gullugynyň saýty habar berýär.
Türkmenistanyň Maliýe we ykdysadyýet ministri Serdar Joraýew HWG-nyň ýanyndaky Kawkaz, Merkezi Aziýa we Mongoliýa ýurtlary üçin mümkinçilikleri ösdürmegiň Sebitleýin merkeziniň direktory Norbert Funke bilen duşuşyk geçirdi, ol Merkeziň wekiliýetiniň baştutany hökmünde Aşgabada sapar bilen geldi.
2-nji maýda Türkmenistanyň Maliýe we ykdysadyýet ministri Serdar Joraýew Aşgabada sapar bilen gelen BMG-niň Ýewropa ykdysady komissiýasynyň ýerine ýetirji sekretarynyň orunbasary Dmitriý Marýasin bilen duşuşyk geçirdi.
Elektronika dünýäsi we «Berkarar» SDAM-däki Samsung dükänlary ynamly öndürijiden ýokary hilli tozan sorujy edinmek isleýänler üçin täze amatly aksiýa badalga berýär.
Geçen maliýe ýylynda (20-nji martda tamamlandy) Eýranyň Hazar deňziniň kenarýaka döwletleri bilen söwdasy (çig nebit eksportyny hasaba almazdan) 3,81 milliard dollara deň bolan 6,89 million tonna boldy, bu bolsa geçen ýylyň degişli döwri bilen deňeşdirilende, söwdanyň fiziki göwrümi boýunça 12,78% peselendigini, emma maliýe hasabynda 9.51% ýokarlanandygyny aňladýar – diýip, Financial Tribune neşiri Eýran Yslam Respublikasynyň Gümrük müdirliginiň maglumatlaryny getirýär.
Her ýylda 1-nji maýda bellenip geçilýän Zähmetkeşleriň Halkara raýdaşlyk güni mynasybetli Türkmenistanyň Hytaýdaky ilçihanasynyň işgärleri Pekiniň gadymy bölegi boýunça agşamky welosiped gezelenjine çykdylar. Bu barada ORIENT-e türkmen diplomatik wekilhanasynda gürrüň berdiler.
Hytaýyň işewür işjeňliginiň önümçilik däl görkezijisi hyzmatlar ulgamynyň tiz dikelmegi we gurluşyk pudagynyň depginli ösmegi sebäpli dört aý bäri yzygiderli ösüşleri görkezýär. Bu barada ýekşenbe güni çap edilen resmi maglumatlara salgylanyp, Sinhua agentligi habar berýär.
29-njy aprelden başlap Türkmenistandan Hytaýa barýan ýolagçylara COVID-19 PSR-testiniň ýerine antigenlere test tabşyrmaga rugsat edildi. Bu barada HHR-nyň ilçihanasynyň resmi saýtynda habar berilýär.
Her ýylyň 31-nji maýynda bellenip geçilýän Bütindünýä temmäkisiz gününe bagyşlanyp, Türkmenistanyň Saglygy goraýyş we derman senagaty ministrligi BSGG-nyň Ýurt edarasy bilen bilelikde çäreleriň bir aýlygyna badalga berdiler.
«Al-Watba» arap welosipedçiler toparynyň wekiliýeti (BAE) Türkmenistana geldi – diýip, Al-Ittihad habar berýär. Sapar Türkmenistanyň Welosiped sporty federasiýasynyň çakylygy boýunça BAE-niň Aşgabatdaky ilçihanasynyň goldaw bermeginde amala aşyryldy.
BMG-niň Aziýa we Ýuwaş ummany üçin Ykdysady we sosial komissiýasynyň hünärmenleri türkmen tarapy üçin «Hiç kimi yzda galdyrmaly däl» (LNOB) platformasynyň seljermesi boýunça okuw geçirdiler. Bu barada BMG-niň Türkmenistandaky hemişelik utgaşdyryjysynyň Edarasynyň saýtynda habar berilýär.
Deslapky netijelere görä, 30-njy aprelde 17:00 wagtdaky ýagdaýa laýyklykda, Özbegistanda täze konstitusiýany kabul etmek boýunça sala salşyklarda ses berenleriň sany 15 million 802 müň 95 adam boldy. Bu barada Özbegistanyň Milli maglumatlar agentligi habar berýär.
