||
Hytaýyň Täze ýylyLeonid Şşemelew adyndaky Sungat galereýasynda “Watanyň asmanynyň astynda” atly aýratyn ekspozisiýa görkezildi. Sergi belarus grafikasynyň ussady Wladimir Basalyganyň 40-dan gowrak ajaýyp işini öz içine aldy. Taslamanyň esasy aýratynlygy taryhda ilkinji gezek ozal giň köpçülige görkezilmedik binagärlik ýadygärlikleriniň reňkli suratlarynyň neşiri boldy diýip, BELTA habar berýär.
Bu seýrek sahypalar reňkli galamlar, pastel we syýa bilen ýerine ýetirilip, ussat olary taryhy ýerler boýunça syýahatlarynda döredýärdi. Ekspozisiýa janly, emosional eskizlerden milli sungatyň nusgawy eserlerine öwrülen monumental awtolitografiýalara we ofortlara çenli ussadyň döredijilik ýoluny yzarlamaga mümkinçilik berýär.
Sergide aýratyn orun meşhur “Belarusyň binagärlik ýadygärlikleri” hataryna degişlidir. Her bir surat ussat tarapyndan binalaryň ýerleşýän ýeri we gurlan wagty görkezilen owadan nagyş çarçuwasy bilen dolduryldy. Munuň esasynda işler hakyky binagärlik gazananlarynyň çeperçilik ensiklopediýasyna öwrülýär. Awtor eserleri arkaly döwürdeşlerini ata-babalarynyň döreden gözelligini goramaga çagyrýar.
Şeýle hem tomaşaçylar ussadyň soňky ýyllaryň dowamynda işlän “Ruhy Çernobylyň pidalary” atly hataryny görüp bilýärler. Bu grafika sahypalarynda Wladimir Basalyga bu ýerdäki ýadygärlikler baradaky maglumatlary arhiwlerde aýawly toplap gelen ýitirilip giden agaç we daş ybadathanalaryň görnüşini dikeltdi.
ORIENT
