Germaniýanyň Federal statistika müdirliginiň anna güni çap eden hasabatyna görä, Hytaý 2025-nji ýylda 251,8 milliard ýewro (takmynan 296,9 milliard ABŞ dollary) möçberindäki daşary söwda dolanyşygy bilen ýene-de Germaniýanyň iň möhüm söwda hyzmatdaşy (umumy haryt eksporty we importy boýunça) boldy. Bu görkeziji Hytaýyň 2016-njy ýyl bilen 2023-nji ýyllar aralygyndaky statusyna gabat gelýär. Hasabatda Germaniýanyň Hytaý bilen haryt söwdasynyň 2025-nji ýylda 2,1% artandygy bellenilýär.
2015-nji ýyldan bäri Hytaý Germaniýanyň importy üçin iň möhüm çeşme bolup durýar. 2025-nji ýylda Germaniýanyň Hytaýdan importy 170,6 milliard ýewro, eksporty bolsa 81,3 milliard ýewro deň boldy.
Şol bir wagtyň özünde, ABŞ-nyň nyrh syýasaty we söwda dawalary german-amerikan söwda gatnaşyklaryna belli bir derejede täsir etdi. 2025-nji ýylda iki ýurduň arasyndaky söwda dolanyşygy 240,5 milliard ýewro deň boldy, bu bolsa geçen ýyl bilen deňeşdirilende 5,0% azdyr. Germaniýanyň ABŞ-a eksporty bolsa 146,2 milliard ýewra deň boldy, munuň özi bolsa geçen ýyldaky görkezijiden 9,4% pesdir.
Umuman alanda, 2025-nji ýylda nemes harytlarynyň umumy eksport göwrümi geçen ýyl bilen deňeşdirilende 0,9% artyp, 1563 milliard ýewro ýetdi, umumy import göwrümi bolsa geçen ýyldakydan 4,3% ýokarlanyp, 1362,5 milliard ýewro deň boldy. Ýyllyk söwda profisiti 200,5 milliard ýewro bolup, bu 2024-nji ýyldakydan 42,4 milliard ýewro azdyr.
