ÝUNESKO Özbegistanyň halk artisti, meşhur aýdymçy Tawakkal Kadyrowyň doglan gününiň 100 ýyllygyny 2026–2027-nji ýyllar üçin halkara baýramçylyk seneleriniň sanawyna resmi taýdan goşdy. Bu çözgüt ussat ýerine ýetirijiniň saz sungatynyň ösüşine goşan uly goşandynyň hem-de guramanyň gymmatlyklaryny öňe sürmekdäki ornunyň dünýä derejesinde ykrar edilýändigini tassyklaýar.

Özbegistan tarapyndan öňe sürlen başlangyç halkara jemgyýetçiligiň giň goldawyna eýe boldy. Teklibiň bilelikdäki awtorlary hökmünde Türkiýe, Gazagystan, Gyrgyzystan, Täjigistan we Türkmenistan çykyş etdiler.

Tawakkal Kadyrow özbek saz sungatynyň we aýdym aýtmak ussatlygynyň görnükli wekilleriniň biridir. Onuň döredijiligi milli mirasyň aýrylmaz bölegine öwrüldi, onuň ýubileýiniň ÝUNESKO-nyň senenamasyna goşulmagy bolsa Özbegistanyň özboluşly medeniýetini dünýä giňişliginde giňden wagyz etmäge mümkinçilik döreder.

Bu abraýly halkara sanawa goşulmagy 2026–2027-nji ýyllarda birnäçe iri çäreleri geçirmäge şert döreder:

• Halkara ylmy maslahatlar we döredijilik agşamlary;

• Özbegistanda hem-de daşary ýurtlarda aýdymçynyň mirasyna bagyşlanan konsertler;

• Özbek nusgawy aýdym-saz baýlygyny açyp görkezýän ýatlama materiallaryň we neşirleriň çykarylmagy.

Bu ähmiýetli waka Özbegistanyň öz däp-dessurlaryny aýawly gorap saklaýandygyny we olara dünýä derejesinde ýokary baha berilýändigini ýene bir gezek açyp görkezýär.

ORIENT