“Google” – “Google Play” programma dükanynda täze duýduryş ulgamynyň girizilendigini yglan etdi. 2026-njy ýylyň 1-nji martyndan başlap, ulanyjylar smartfonlarynyň batareýasyna has köp ýük salýan hyzmatlary görkezýän ýörite bellikleri alarlar. Bu çäre enjamyň batareýasyny goramaga we işläp düzüjileri öz programmalaryny has gowy kämilleşdirmäge gönükdirilendir.

Täze mehanizm “Samsung” bilen hyzmatdaşlykda işlenip düzülen “Excessive Partial Wake Locks” görkezijisine esaslanýar. Algoritm programmanyň fon işlerini ýerine ýetirmek üçin smartfonyň uklama režimine girmegine näçe gezek päsgel berýändigini seljerýär.

Programma sarp edilýän energiýany edýän hasaplanar we eger ol enjamy 24 sagadyň dowamynda iki sagatdan köp uklamaga päsgel berse, oňa bellik berler.

“Google Play”-de bellikleriň girizilmegi ulanyjylara programmanyň enjamyň batareýasynyň ömrüne täsiri barada açyk maglumat berer.

Duýduryşlardan başga-da, energiýa sarp edýän programmalar uly çäklendirmeler bilen ýüzbe-ýüz bolarlar:

• Öňe gidişlikler çäklendiriler.

• Programmalar “Google Play”-iň maslahat berýän sanawyndan çykarylyp bilner.

“Google” bu çäklendirmeleriň işläp düzüjileri öz önümlerini kämilleşdirmäge we “Android” enjamlarynyň batareýalaryna täsirini azaltmaga höweslendirjekdigine umyt edýär.

ORIENT