3-nji iýunda Türkmenistanyň başlangyjy bilen Birleşen Milletler Guramasynyň Baş Assambleýasy tarapyndan yglan edilen “Bütindünýä welosiped güni” mynasybetli EYR-nyň Horasan Rezawi welaýatynyň häkimi Muzaffari Golamhosseiniň Maşat şäheriniň häkimi Muhammadreza Galandaryň, Eýranyň Daşary işler ministrliginiň Maşat şäherindäki wekilhanasynyň ýolbaşçysynyň, şeýle hem Türkmenistanyň EYR-daky (Maşat ş.) Baş konsullygynyň we Maşat şäherindäki diplomatik wekilhanalaryň ýolbaşçylarynyň we wekilleriniň gatnaşmaklarynda welosiped ýörişi geçirildi.
Uzaklygy 4 km bolan bu ýörişe Maşat şäheriniň edara-kärhanalarynyň ýolbaşçylary hem-de şäheriň ýaşaýjylary hem işjeň gatnaşdylar.
Çärä gatnaşyjylar Türkmenistanyň sport ulgamyndaky öňe sürýän başlangyçlarynyň bütin dünýäde sagdyn durmuş ýörelgesiniň berkidilmegine, sportuň we bedenterbiýe-sagaldyş hereketiniň ösdürilmegine hem-de oňa ýaşlaryň giňden çekilmegine şeýle-de welosiped sürmegi köpçülikleýin wagyz etmäge we onuň daşky gurşawy gorap saklamaga oňyn täsirini ýetirýändigini bellediler.
Welosiped ýörişiniň ahyrynda oňa gatnaşyjylara Türkmenistanyň Eýran Yslam Respublikasyndaky (Maşat ş.) Baş konsullygy tarapyndan ýadygärlik sowgatlar gowşuryldy.
ORIENT
