HIL-TM: Türkmenistanda halkara hil standartlary dünýäsinde ygtybarly hyzmatdaş
23.04.2025 | 04:30 |
“Türkmenistanda halkara ülňülerine laýyk gelýän hil üpjünçiligi” atly maslahatynyň öňüsyrasynda “Halkara standard hyzmatlary” HK (“HIL-TM”) halkara derejesine bäsdeşlik ukybyny ýokarlandyrmaga ymtylýan türkmen kärhanalary üçin esasy hyzmatdaş hökmünde çykyş edýär. Kompaniýa dolandyryş ulgamlaryny seljermek we ISO 9001, ISO 22000 (FSSC 22000), ISO 14001 we ISO 45001 standartlaryna laýyklykda sertifikasiýa taýýarlyk boýunça bilermen hasaplanýar.
“HIL-TM” işewürligiň netijeliligini ýokarlandyrmaga we hyzmatdaşlaryň ynamyny berkitmäge gönükdirilen toplumlaýyn çemeleşmäni hödürleýär. Esasy artykmaçlygy — ýokary derejeli hünärmenlerden düzülen toparyň çuňňur tejribesine esaslanýan hyzmatdaşlykdyr. Kompaniýa eýýäm100-den gowrak müşderä dolandyryş ulgamyny netijeli gurmaga, iş amallaryny işjeňleşdirmäge we önümleriň hilini ýokarlandyrmaga ýardam etdi.
“HIL-TM”-iň “TÜV Thüringen (Germaniýa)” we “CERT International” (Slowakiýa) ýaly Ýewropanyň gurluşlary bilen hyzmatdaşlygy halkara derejede ykrar edilmeginde aýratyn ähmiýete eýedir. Bu gurluşlar tarapyndan berilýän şahadatnamalar IAF (Akkreditasiýa boýunça halkara forumy) tarapyndan hasaba alynýar, bu bolsa olaryň halkara derejesinde ykrar edilýändigini kepillendirýär.
“CERT Academy” bilen bilelikde işgärleriň hünär derejesini ýokarlandyrmak üçin ýöriteleşdirilen okuwlar geçirilýär. “HIL-TM” -iň ýakyn wagtda geçiriljek maslahata gatnaşmagy Türkmenistanyň kärhanalaryna halkara standartlar dünýäsinde ygtybarly ugrudyryjy bilen hyzmatdaşlygyň peýdaly taraplary barada has köp zatlary öwrenmäge mümkinçilik döreder.
“HIL-TM” — kämillige we halkara üstünliklere barýan ýolda siziň strategiki hyzmatdaşyňyz!
