TDHÇMB-da söwdalaşyklar: “TS-1” kysymly uçar kerosini, suwuklandyrylan gaz, nah ýüplügi we agardylmadyk biz matasy, şeýle hem gurluşyk materiallar satyn alyndy
26.03.2025 | 10:14 |
25-nji martda, sişenbe güni, Türkmenistanyň Döwlet haryt çig-mal biržasynda geçirilen söwdalaşyklaryň dowamynda nebit-himiýa, ýeňil senagaty önümleri we gurluşyk materiallary ýerlenildi.
Owganystanyň, Özbegistanyň we Türkiýäniň telekeçileri “Türkmennebit” Döwlet konserni bilen “TS-1” kysymly uçar kerosinini satyn almak barada geleşik baglaşdylar.
Owganystanyň işewür toparlarynyň wekilleri “Türkmennebit” Döwlet konserninden suwuklandyrylan gazy hem satyn aldylar.
Gyrgyzystanyň we Azerbaýjanyň işewürleri türkmen telekeçileri bilen nah ýüplügi we agardylmadyk biz matany satyn almak barada geleşik baglaşdylar.
Türkmenistanyň telekeçileri Dokma senagaty ministrligi bilen nah ýüplügini satyn almak barada geleşik baglaşdylar.
Senagat we gurluşyk önümçiligi ministrliginden olar gazbeton bloklaryny satyn aldylar.
Söwdalaşyklaryň netijesinde umumy bahasy 5 344 000 manada we 22 200 204,33 ABŞ dollaryna barabar bolan 9 geleşik baglaşyldy.
Türkmenistanyň Döwlet haryt çig-mal biržasyndaky kesilen nyrhlar bilen şu salgyda tanşyp bilersiňiz.
ORIENT news
