Türkmenistanda Alyşir Nowaýynyň we Zahiriddin Muhammet Baburyň döredijiligne bagyşlanan çäre geçirildi
17.02.2025 | 11:10 |
Döwletmämmet Azady adyndaky türkmen milli dünýä dilleri institutynda meşhur şahyr we akyldar Alyşir Nowaýynyň doglan gününiň 584 ýyllygyna we tanymal özbek şahyry, filosofy we taryhçysy Zahiriddin Muhammet Baburyň doglan gününiň 542 ýyllygyna bagyşlanan çäre geçirildi.
Çärä institutyň rektory Maksat Çaryýew we Özbegistan Respublikasynyň Türkmenistandaky Adatdan daşary we Doly ygtyýarly ilçisi Rawşanbek Alimow, Türkmenistandaky daşary ýurt diplomatik wekilhanalaryň hem-de halkara guramalaryň wekilhanalarynyň wekilleri gatnaşdy.
Talyplar Alyşir Nowaýynyň we Zahiriddin Muhammet Baburyň goşgylaryny özbek we rus dillerinde okap, institutyň “Altyn miras” tans topary bolsa öz çykyşlaryny ýerine ýetirdi. Myhmanlara Alyşir Nowaýynyň we Zahiriddin Muhammet Baburyň döredijilik mirasy barada gymmatly maglumatlar barada gürrüň berdiler.
Şeýle hem, çäräniň çäklerinde “Dünýä edebiýatynyň uçursyz zehinleri” atly esse ýazmak boýunça bäsleşigiň ýeňijileri sylaglandy. Alyşir Nowaýynyň we Zahiriddin Muhammet Baburyň ömrüne we döredijiligine bagyşlanan bäsleşik Türkmenistandaky Özbegistan Respublikasynyň ilçihanasy tarapyndan guraldy.
ORIENT news
