||
Hytaýyň Täze ýyly2025-nji ýylyñ 14-nji fewralynda Pekinde Bahar baýramy we Çyrajyklar baýramçylygy mynasybetli Şanhaý Hyzmatdaşlyk Guramasynyñ (ŞHG) medeni agşamy geçirildi. Bu çäre ŞHG-niñ diplomatlaryny, olaryñ maşgalalaryny, şeýle-de ŞHG Sekretariatynyñ hem-de ŞHG-niñ Hoşniýetli goñşuçylyk, dostluk we hyzmatdaşlyk baradaky Hytaý komitetiniñ işgärlerini ýygnady.
Şu ýyl 12-nji fewralda bellenilen Çyrajyklar baýramçylygy Gurama gatnaşyjy-ýurtlaryñ arasynda agzybirligiñ we medeni hyzmatdaşlygyñ nyşany boldy.
ŞHG-niñ Baş sekretary Nurlan Ýermekbaýew bu baýramçylygyñ esasyny düzýän gymmatlyklaryñ "Şanhaý ruhy" we umumyadamzat gymmatlyklary bilen utgaşýandygyny belledi.
Agşamky çäräniñ çäklerinde hytaý hatdatlygy, kagyzdan kesip nagyş ýasamak hem-de ýuansýao (ýelmeşegen undan ýasalan çyrajyklar baýramçylygynyñ süýji topjagazlary) ýaly milli tagamlary bişirmek boýunça ussatlyk sapaklary geçirildi. Çäre ŞHG-niñ düzümine girýän halklaryñ arasynda dostlugy we hyzmatdaşlygy pugtalandyrmakda möhüm ädim boldy.
ORIENT news
