Türkmen lukmanlary onkologiýa we pallatiw bejergide Ýewropanyň öňdebaryjy tejribesini öwrenýärler

13.11.2024 | 02:45 |

On üç adamdan ybarat Türkmenistanyň wekiliýeti Germaniýanyň Bawariýa sebitiň Fürstenfeldbruk şäherindäki hassahana baryp gördi. Aşgabatdan baran lukmanlar uniwersitetde 15 ýyldan gowrak wagt bäri mugallymçylyk edýän we hassahanalarda hirurglary taýýarlaýan, umumy we wisseral hirurgiýa bölüminiň baş lukmany, professor Frits Spelsbergiň ýolbaşçylygynda nemes kärdeşleri bilen tejribe alyşmak üçin okuw sapagyny geçirdiler.

Häzirki wagtda Aşgabatda atom energiýasynyň lukmançylyk mümkinçilikleriniň ulanyljak halkara onkologiýa ylmy-kliniki merkezi gurulýar, onda döş düwnük (rak) keselini bejermek üçin ýörite merkez we pallatiw bejeriş bölümi dörediler. Şonuň bilen baglylykda bu sapar, esasan, enjamlar, tehnologiýa we ýokary taýýarlyk işgärler bilen üpjün etmek we dersara hyzmatdaşlyk pudagynda, esasanam düwnük kesellerine ideg etmekde nemes tejribesini öwrenmäge gönükdirildi.

Ozal türkmen wekiliýeti Milanda, Parižde, şeýle hem Germaniýanyň Erlangen şäherinde we Berlindäki Şarite hassanasynda, Mýunheniň Grosshadern uniwersitetiniň hassahanasynda boldylar.

Daşary ýurtly kärdeşleri bilen tejribe alyşmak üçin daşary ýurtlara lukmançylyk wekiliýetlerini ibermek Türkmenistanda saglygy goraýyşy ulgamyny ösdürmegiň strategiýasynyň möhüm bölegidir. Iň ýokary lukmançylyk tejribesini, şol sanda Ýewropa ýurtlaryň tejribesini öwrenilmegi, anyklaýyş we bejerginiň innowasion usullaryny ornaşdyrmaga, şeýle hem lukmanlaryň hünär derejesini ýokarlandyrmaga mümkinçilik berýär. Bu bolsa ýurtda halkara derejesindäki täze lukmançylyk institutlarynyň döredilmegi meselesinde örän ähmiýetlidir.

ORIENT