Hytaýda Bütindünýä zatlaryň Interneti (IoT) sergisi tamamlandy

13.11.2024 | 14:20 |

Gündogar Hytaýyň Szýansu welaýatynyň Usi şäherinde Bütindünýä IoT sergisi geçirildi. Bu barada China Daily habar berýär.

Üç günlük çäre öňdebaryjy tehnologiýalary we bu ugurdaky tendensiýalary öwrenmek maksady bilen pudagyň öňdebaryjy wekillerini ýygnady.

Serginiň çäklerinde täze gollanmalaryň görkezilişi, intellektual zondlama, senagat Internetine we emeli aň tehnologiýalaryna bagyşlanan maslahatlaşmalar geçirildi.

Zatlaryň Interneti we sanly taýlar standartlary boýunça Halkara komitetiniň başlygy Fransua Koalýe IoT gündelik durmuşyň dürli ugurlaryny üýtgedýär diýip aýtdy.

Munuň bilen baglylykda, Koalýe Usiniň Hytaýda diňe bir IoT merkezi hökmünde çykyş edmän, eýsem tutuş dünýäde IoT-yň ösdürilmegine ýardam berýändigini aýratyn belläp geçdi. Bu şäher simsiz sensor torlaryň ilkinji halkara standartlarynyň işläp taýýarlamalaryna ýolbaşçylyk edýär.

Uside IoT-e bagyşlanan milli derejedäki ýeke-täk öňdebaryjy önümçilik klasteri döredildi. Üstesine-de, 2023-nji ýylda IoT bilen baglanyşykly şäheriň senagat önümçiliginiň umumy möçberi 450 mlrd ýuandan (62,24 mlrd amerikan dollary) geçip, bu görkeziji boýunça ony ýurduň liderligine çykardy.

ORIENT news