Türkmenistan Wengriýanyñ tejribesine esaslanyp, wodorod öndürýän tehnologiýalary öwrenmäge gyzyklanma bildirýär

13.11.2024 | 12:40 |

Türkmenistan hem-de Wengriýa durnukly energetika boýunça hyzmatdaşlygy giñeldip, "ýaşyl" wodorod tehnologiýa babatda bilelikdäki taslamalara aýratyn üns berýär. Özbegistandaky we Türkmenistandaky Wengriýanyñ Adatdan daşary we doly ygtyýarly ilçisi Ýožef Roža "Trend"-e beren interwýusynda iki ýurduñ hem ekologiýa taýdan arassa energetika geçişinde möhüm orun tutýan wodorod tehnologiýalaryñ ösdürilmegine gyzyklanma bildirýändigini belledi.

Ilçiniñ aýtmagyna görä, Wengriýa wodorody öndürmekde öz tejribesini paýlaşmaga taýýar, Türkmenistan bolsa energetikanyñ durnukly ösüşi üçin şeýle tehnologiýalaryñ ulanylmagyna barha ulalýan gyzyklanma bildirýär. Mundan başga-da, Wengriýa we Türkmenistan energetika, oba hojalygy, saglygy goraýyş we bilim ýaly ugurlarda hyzmatdaşlygy has-da pugtalandyrýar.

Wengriýanyñ premýer-ministri Wiktor Orbanyñ 2023-nji ýylyñ iýun aýynda Aşgabada amala aşyran resmi saparynyñ dowamynda birnäçe ylalaşyklara, şol sanda türkmen talyplaryna Wengriýada bilim almaga mümkinçiligini berýän Stipendium Hungaricum maksatnamasyna gol çekildi.