11-nji noýabrda Türkmenistanyň Daşary işler ministrliginiň Halkara ykdysady hyzmatdaşlyk departamentiniň müdiri, ilçi Atageldy Haljanow Tährandaky ECO-nyň sekretariatynda Ykdysady Hyzmatdaşlyk Guramasynyň Baş sekretary Asad Han bilen duşuşdy.

Türkmenistanyň Ykdysady Hyzmatdaşlyk Guramasy bilen has ýakyn aragatnaşyk saklamak islegini beýan edip, Haljanow Baş sekretary 26-27-nji noýabrda Aşgabatda geçiriljek “Halkara ulag we üstaşyr geçelgeleri: özara baglanyşyk we ösüş” atly maslahatyna we sergisine çagyrdy.

2024-nji ýylyň sentýabr aýynda BMG-nyň Baş Assambleýasynyň mejlisiniň çäklerinde Türkmenistanyň Daşary işler ministri bilen duşuşygyny belläp, Baş sekretar Asad Han Türkmenistanyň Ykdysady Hyzmatdaşlyk Guramasnyň başlangyçlaryny goldamakda we oňa gatnaşmakda işjeň ornuna ýokary baha berdi.

Duşuşykda Ykdysady Hyzmatdaşlyk Guramasnyň we beýleki halkara guramalarynyň ulag, energetika we daşky gurşaw pudagyndaky käbir başlangyçlarynyň geljegi ara alnyp maslahatlaşyldy diýip, Guramanyň web sahypasynda habar berilýär.

Ozal habar berilişi ýaly, Türkmenistanyň Ykdysady Hyzmatdaşlyk Guramasnyň sekretariaty bilen bilelikde Arkadag şäherinde Durnukly ösüş boýunça ECO-nyň birinji forumyna taýýarlyk görýär.

ORIENT