Biziň yhlasymyz – adamlary ýakynlaşdyrmak
Habarlar
Makalalar
Media
Anons
Tehnologiýalar
Biz barada
Habarlaşmak üçin
||
Çarşenbe güni, Türkmenistanyň Daşary işler ministri Raşid Meredow bilen Eýran Yslam Respublikasynyň Daşary işler ministri Seýed Abbas Aragçiniň arasynda geçirilen telefon arkaly söhbetdeşligiň dowamynda syýasy-diplomatik, söwda-ykdysady we medeni-ynsanperwer ugurlardaky ikitaraplaýyn hyzmatdaşlygyň dürli taraplaryny ara alyp maslahatlaşdylar
Taraplar iň ýokary derejedäki gatnaşyklaryň depginli ösüşini bellediler, Türkmenistanyň Prezidentiniň, şeýle hem türkmen halkynyň Milli Lideri, Türkmenistanyň Halk Maslahatynyň Başlygynyň Eýran Yslam Respublikasynyň Prezidenti bilen duşuşyklarynyň dowamynda gazanylan ylalaşyklaryň ýerine ýetirilişi barada pikir alyşdylar diýip, DIM-niň metbugat gullugy habar berdi.
Ministrler iki ýurduň arasyndaky söwda-ykdysady gatnaşyklaryň wajypdygyny nygtadylar. Söwda we ykdysady gatnaşyklara şol sanda ykdysady hyzmatdaşlyk boýunça türkmen-eýran hökümetara toparynyň işine aýratyn üns berildi, onuň nobatdaky 18-nji mejlisini ýylyň ahyryna çenli geçirmek göz öňünde tutulýar.
2024-nji ýylyň noýabr-dekabr aýlarynda bilelikdäki çäreleri, şol sanda “Iran Agro Food” sergisini, Çagalaryň dostlugy hepdeligini, zergärçilik boýunça ussatlyk sapaklaryny we beýleki medeni çäreleri geçirmek barada gürrüňdeş boldylar.
ORIENT
