Şanhaýda import harytlarynyň 7-nji Hytaý halkara sergisi açyldy

08.11.2024 | 12:30 |

Şanhaýda import harytlarynyň 7-nji Hytaý halkara sergisi açyldy. Bu barada Sinhua agentligi habar berýär. Serginiň guramaçylary hökmünde HHR-iň Täjirçilik ministrligi hem-de Şanhaýyň Halk hökümeti çykyş edýär. Şu ýyl EKSPO 129 ýurtlardan we sebitlerden, şol sanda Fortune Global 500 sanawyndaky 297 kärhanasyndan 3496 eksponaty jemledi. Bu bolsa serginiň taryhyndaky täze rekord.

Sergide 400-den gowrak täze önümler, tehnologiýalar we hyzmatlar görkezilendir. Sergi aýry zolaklara bölünen: azyk harytlary we oba hojalyk önümleri, awtomobiller, tehniki enjamlar, sarp ediş harytlar, lukmançylyk enjamlary, lukmançylyk tehnikasy we sagaldyş harytlary, hyzmatlar söwdasy.

Serginiň we “Hunsýao” Halkara ykdysady forumynyň açylyş dabarasynda maksatnamalaýyn söz bilen HHR-iň Döwlet geňeşiniň premýeri Li Sýan çykyş etdi.

Import harytlarynyň 7-nji Hytaý halkara sergisi 10-njy noýabra çenli dowam eder.

Hytaý halkara import sergisini geçirmek başlangyjy Pekinde 2017-nji ýylyň maýynda geçirilen “Bir guşak – bir ýol” halkara hyzmatdaşlyk forumynda öňe sürüldi, onda HHR-iň Başlygy Si Szinpin 2018-nji ýyldan başlap Şanhaýda yzygiderli import harytlarynyň halkara sergisini geçirmegi teklip etdi.

ORIENT news