Türkmenistanyň daşary işler ministri Türkiýe Respublikasynyň Prezidenti Rejep Taýyp Ärdogan bilen duşuşdy

13.08.2024 | 22:50 |

Türkmenistanyň Ministrler Kabinetiniň Başlygynyň orunbasary, Türkmenistanyň daşary işler ministri Raşid Meredow Ankarada iş saparynda bolup, sişenbe güni Türkiýe Respublikasynyň Prezidenti Rejep Taýyp Ärdogan bilen duşuşdy.

Türkmenistanyň DIM-niň ýolbaşçysy Türkiýe Respublikasynyň Prezidentine Türkmenistanyň Prezidenti Serdar Berdimuhamedowyň hem-de türkmen halkynyň Milli Lideri, Halk maslahatynyň Başlygy Gurbanguly Berdimuhamedowyň adyndan gutlag sözlerini hem-de iň oňat arzuwlaryny ýetirdi.

Türkmen DIM-niň berýän maglumatlaryna görä, duşuşygyň dowmynda syýasy-diplomatik, söwda-ykdysady, medeni hem-de ynsanperwer hyzmatdaşlygynyň dürli ugurlary boýunça ara alnyp maslahatlaşyldy.

Taraplar Türkmenistan bilen Türkiýeniň arasyndaky hyzmatdaşlygyň ýokary ösüşiniň depginlerine bolan hoşallyklaryny bildirip, ikitaraplaýyn we köptaraplaýyn hyzmatdaşlgy mundan beýläk-de pugtalandyrylmalydygyny aýratyn belläp geçdiler.

Wekilhanada habar berilşi ýaly, bielikdäki gyzyklanma bildirilýän sebit we halkara gün tertibiniň möhüm meseleleri boýunça hem pikirler alşyldy.

13082024-ministr-inostrannyh-del-turkmenistana-vstretilsya-s-prezidentom-erdoganom (2).jpg