Owganystanyň günbatarynda täze ýertitremesi bolup geçdi. Bu barada Ýewropa-Ortaýer deňiz seýsmologiýa merkezi mälim edýär.

Güýjenmesi 5,0 bala deň bolan ýertitreme ýerli wagt bilen sagat 00:52-de Owganystanyň Gerat şäherinden 28 kilometr demirgazyk-günbatarda hasaba alyndy. Ýertitreme sebäpli ejir çekenler barada häzirlikçe maglumat ýok.

Ozal habar berşimiz ýaly, Türkmenistanyň Prezidenti 7-nji oktýabrda Owganystanyň Gerat sebitinde bolup geçen ýertitremesi sebäpli ejir çekenlere ynsanperwer ýük ugratmak hakynda Buýruga gol çekdi.