Hokkeý boýunça Türkmenistanyň ýygyndysy Bişkekde geçirilýän dünýä çempionatynda ilkinji ýeňşini baýram etdi.

Gazagystanda 2025-nji ýylda geçirilmegi meýilleşdirilýän «Geljegiň oýunlaryna» taýýarlyk görlüp başlandy.

Hokkeý boýunça Türkmenistanyň ýaşlar ýygyndysy 18 ýaşa çenlileriň arasynda geçirilen dünýä çempionatynyň 3-nji diwizionyndaky “B” toparçadaky oýunlarda kümüş medal gazandy. Oýunlar Günorta Afrika Respublikasynyň (GAR) Keýptaun şäherinde geçirildi.

Şu gün geçirilmegi meýilleşdirilýän “Aşgabat” we “Merw” toparlarynyň arasyndaky duşuşykdan soň, Türkmenistanyň futbol çempionatynyň 3-nji tapgyr oýunlary tamamlanar.

Russiýa Federasiýasynyň Hökümetiniň Başlygynyň orunbasary Dmitriý Çernyşenko Tatarystan Respublikasynyň Baştutany Rustam Minnihanow bilen bilelikde «Geljegiň oýunlary» atly köpugurly sport ýaryşynyň ýapylyş dabarasyna gatnaşdy. Ol Kazanda sungat işgärlerini we sanly ýerine ýetirijileri birleşdirýän özboluşly fijital-konsert görnüşinde geçirildi. Göçme programmirlenen ekranlar hem-de proýeksiýa şekilleri hakyky we wirtual dünýäleriň arasyndaky serhedi ýene bir gezek aradan aýyrmaga mümkinçilik döretdi.

Türkmen türgenleri Kuala-Lumpurda (Malaýziýa) geçirilen Taekwondo boýunça halkara ýaryşynda (ITF) 19 altyn, 9 kümüş we 6 bürünç medala mynasyp boldular.

Şu ýylyň mart aýynda Türkmenistanyň suwda ýüzmek boýunça ýygyndy topary Ermenistanyň Sahkadzor şäherinde okuw-türgenleşik ýygnanyşygyny geçer.

Bu oýunlar 10 - 16-njy mart aralygynda Gyrgyzystanyň paýtagty Bişkek şäherinde geçiriler.

Aşgabat şäherinde ýene-de bir ýarym aýdan, ýagny 15-nji aprelde hokkeý boýunça halkara ýaryşa badalga berler. Hokkeý ýaryşlary paýtagtyň Gyşky oýunlar sport toplumynda 20-nji aprele çenli geçiriler.

Ukrainanyň Harkow şäherinde garyşyk söweş sungaty (MMA) boýunça oblast birinjiligi ugrunda ýaryş geçirildi. 19 – 40 ýaş aralygyndaky türgenleriň gatnaşan ýaryşynda 93 kilogram agram derejesinde Harkow politehniki institutynda bilim alýan türkmenistanly talyp Babageldi Halimow birinji orna mynasyp boldy. Bu barada Türkmenistanyň Ukrainadaky ilçihanasy habar berýär.