Täze tolkunyň iň geljegi uly arhitektorlaryndan biri hasaplanýan dünýädäki birnäçe taslamanyň awtory şeýle-de Şanhaýda we Milanda professional býurolary bolan Andrea Kaputo 2024-nji ýylda Italiýa dizaýn gününiň ilçisi bolup, Aşgabat şäherine geldi.

28-nji martda Aşgabatda “Türkmen topragy - gadymy medeniýetleriň merkezi” metbugat forumy geçiriler. Bu çäre Änew şäheriniň 2024-nji ýylda “Türki dünýäsiniň medeni paýtagty” we Magtymguly Pyragynyň doglan gününiň 300 ýyllygyna bagyşlanan dabaralaryň açylyşynyň çäklerinde geçiriler.

Türkmenistanyň Ýaponiýadaky ilçihanasy Magtymguly Pyragynyň döredijilik mirasyna bagyşlanan saýlama sapaklar görnüşinde medeni we bilim çärelerini geçirip başlady. Şu gün, 15-nji martda Tsukuba uniwersitetinde we Higaşi Osaka orta mekdebinde şeýle sapaklar geçirildi, şonda şahyryň milli medeniýetdäki roluny görkezýän eksponatlar hem hödürlendi.

Aşgabat şäherinde mart aýynyň 16-17-ne geçiriljek medeni dynç alyş çäreleri

Ýerewandaky A.Babajanýan adyndaky zalda beýik türkmen şahyry Magtymguly Pyragynyň doglan gününiň 300 ýyllygyna bagyşlanan uly konsert geçirildi. Bu agşam nusgawy we halk sazlary, şeýle hem Türkmenistanyň sungat ussatlarynyň ýerine ýetirmeklerinde aýdymlar ýaňlandy.

Maýa Kuliýewa adyndaky Türkmen milli konserwatoriýasynyň 5-nji ýyl talyby Annaoraz Döwletow «Non Solo» atly konsertmeýster sungaty we ansambl ýerine ýetirilişi boýunça II halkara bäsleşiginiň baýragynyň eýesi boldy.

Nury Halmamedowyň adyny göterýän VIII Moskwa halkara “Dutaryň owazlary” sungat festiwalynyň guramaçylyk komiteti “Söz älemi” atly okamak bäsleşigine ýüztutmalary kabul edip başlandygyny habar berdi.

Niderlandlaryň Eýndhowen şäherinde ýekşenbe güni dünýäniň medeni dürlüligini görkezýän çäre - Halkara zenanlar gününe bagyşlanan sergi guraldy.

Režissýor Kristofer Nolanyň «Oppengeýmer» atly filmi 69-njy «Oskar» dabarasynda «Iň gowy film» ugry boýunça ýeňiji boldy. Film 13 ugur boýunça dalaşgärlige hödürlenip, şolaryň ýedisinde – iň gowy motaž, iň gowy operatorlyk işi, iň gowy ses ýazgysy ugurlarynda ýeňiji boldy diýip, «RIA Nowosti» habar berýär.

Bilelikdäki eýran-türkmen festiwalynyň Eýranyň demirgazyk-gündogar sebitindäki Horasan Razawi sebitindäki Bajygyran etrabynda geçiriljekdigi barada ýurduň Medeniýet we yslamy ugrukdyrmak ministrliginiň sebitleriň işi boýunça Baş direktory mälim etdi diýip, "IRNA" habarlar agentligi habar berýär.