Geljek hepde Aşgabatda boljak Russiýanyň Medeniýet günleriniň çäginde Mukamlar köşginde dürli çäreler meýilleşdirilýär.

7-9-njy oktýabr aralygynda Türkmenistanda Gazagystanyň Medeniýet günleri geçirilip, Aşgabadyň ýaşaýjylary we myhmanlary üçin gazak kinematografy, saz sungaty we halk däp-dessurlary bilen tanyşmaga mümkinçiligi bolar. Bu barada Gazagystanyň “Kazinform” habarlar agentligi habar berýär.

Moskwada Beýik şahyr Magtymguly Pyragynyň ýubleýine bagyşlanan ajaýyp “Sazly illýustratiw ýygyndy” neşir edildi. Bu ýygyndy, “Magtymguly Pyragynyň goşgularyna düzülen saz eserleri” we illýustratiw “Şekili” öz içine alýan kompozitoriň bäsleşiginiň ýeňijileriniň eserlerini öz içine alýan hakyky döredijilik tapyndylaryna öwrüldi.

10-njy oktýabrda Arkadag şäherinde geçiriljek VI Wena balyna görülýän taýýarlyk barada anna güni Türkmenistan Ministrler Kabinetiniň mejlisinde habar berildi. Şunuň bilen baglylykda, Prezident Serdar Berdimuhamedowyň garamagyna bu medeni çäräni geçirmek bilen bagly degişli teklip hödürlenildi.

Gadymy siwilizasiýalaryň mesgeni bolup durýan Anadolyda taryhyň heniz açylmadyk sahypalaryny ýüze çykarmak boýunça işler alnyp barylýar. Türkiýe Respublikasynyň Medeniýet we syýahatçylyk ministrliginiň ýolbaşçylygynda 12 aý dowam eden gazuw-agtaryş işleriniñ netijesinde kem-kemden bu sebitiň taryhy gymmatlyklarynyň üsti açylýar. Şu ýyl hünärmenler dünýä taryhyna uly täsir etjek möhüm açyşlar etdiler. Şol bir wagtyň özünde, daşary ýurtlara bikanun äkidilen medeni gymmatlyklaryñ yzyna gaýtarylyp getirilmegi boýunça işjeň işler alnyp barylýar.

Amerikanyň Birleşen Ştatlarynyň Ogaýo ştatyndaky Kent döwlet uniwersitetinde Gündogaryň beýik akyldary we nusgawy şahyry Magtymguly Pyragynyň doglan gününiň 300 ýyllygy ýokary derejede bellenip geçildi.

Magtymguly Pyragynyň goşgular ýygyndysy gyrgyz diline terjime edildi. Kitabyň tanyşdyrylyş dabarasy Bişkekde 3-nji oktýabrda “Gündogar şygyryýetiniň nusgawy şahyry Magtymguly Pyragynyň 300 ýyllygy” atly maslahatyň çäginde geçirildi. Çärä Gyrgyzystan Respublikasynda Türkmenistanyň Adatdan daşary we doly ygtyýarly ilçisi N.Golliýew gatnaşdy.

1-nji oktýabrda bellenilýän Hytaýyň esasy milli baýramçylygy mynasybetli Şensi welaýatynyň Siýan şäherinde “Ýüpek ýoly” atly birinji halkara medeniýet we sungat festiwaly açyldy. Dünýäniň dürli künjeklerinden syýahatçylar sebitiň baý däp-dessurlaryna aralaşmak we Täze Hytaýyň esaslandyrylmagynyň 75 ýyllygyny bellemek üçin “Silk Road Happy World” (“Ýüpek ýoly bagtly dünýä”) seýilgähine ýygnandyrlar.

Kazan şäherinde 22-24-nji oktýabr aralygynda geçiriljek BRIKS döwlet baştutanlarynyň XVI sammitiniň medeni maksatnamasynyň çäginde türkmenistanly suratkeş, Türkmenistanyň Suratkeşler birleşiginiň agzasy Berdiguly Amasahatow ilkinji gezek öz surat eserleriniň sergisi bilen tanyşdyrar. Bu barada suratkeş “TASS” habarlar agentliginiň korrespondenti bilen söhbetdeşliginde aýtdy.

Moskwanyñ Bütinrussiýa daşary ýurt edebiýaty döwlet kitaphanasynda türkmen halkynyñ beýik nusgawy şahyry Magtymguly Pyragynyñ heýkeli oturdylar. Dabaraly çäräniñ geçirilmegi öñümizdäki hepdäniñ başyna, ýagny 30-njy sentýabryna meýilleşdirilen. Granit esasda bürünç heýkeliñ awtory Türkmenistanyñ Suratkeşler birleşiginiñ agzasy heýkeltaraş Zahid Babaýew.