Fermerler üçin dronlar Kanton ýarmarkasynyň üns merkezinde
Kanton ýarmarkasynda ilkinji gezek oba hojalyk tehnikasy sergi zolagynyň çäklerinde akylly ekerançylygy ösdürmek üçin niýetlenen hytaý ýokary tehnologiýaly oba hojalyk dronlaryna bagyşlanan ýörite bölüm döredildi.
Bu bölüm häzirki wagtda Guançžou şäherinde geçirilýän 139-njy Hytaý import we eksport ýarmarkasynyň (Kanton ýarmarkasynyň) öňdebaryjy senagat sergi giňişliginiň esasy özüne çekiji bölegine öwrülip, köp sanly alyjylary çekdi we ýerinde köp mukdarda şertnamalaryň baglaşylmagyna mümkinçilik berdi.
Oba hojalyk dronlary zolagynda köp kompaniýalar özleriniň iň täze modellerini görkezýärler. Sergiler köp sanly alyjylaryň ünsüni çekdi, olaryň köpüsi ýerinde sargyt berdi.
Dron öndürýän kompaniýalaryň biri bary-ýogy bir günün ir sagatlarynda Kanadan, Täze Zelandiýadan we Irlandiýadan üç sargyt aldy, şol sargytlaryň biri 50-ä çenli enjamy öz içine aldy.
«Bazar barha giňeler. Bu biziň Kanton ýarmarkasyna ilkinji gezek gatnaşygymyz, emma eýýäm dört ýurtdan müşderiler bilen takmynan 100 birlik üçin şertnamalara gol çekdik. Biz hytaý önümleriniň, şol sanda robotlaryň geljekde halkara bazara çykjakdygyna ynanýarys», — diýip, sergä gatnaşyjylaryň biri Şan Çaosýun aýtdy.
Hytaýyň oba hojalyk dronlary pudagy häzirki wagtda açyk üýtgeşmeleri we döwrebaplaşmagy başdan geçirýär: diňe enjamlary satmakdan toplumlaýyn çözgütleri we birnäçe dronyň bilelikde işlemegini hem-de akylly utgaşygyny üpjün edýän dolandyryş ulgamlaryny hödürlemäge geçilýär. Häzirki wagtda köp kompaniýalar dronlary, dolandyryş ulgamlaryny, maglumatlary we tehniki hyzmaty öz içine alýan integrirlenen hyzmat platformalaryny işläp taýýarlaýarlar.
Kanton ýarmarkasy 1957-nji ýylda döredilen gününden bäri her ýaz we güýz Guançžou şäherinde geçirilýär we Hytaýyň daşary söwdasynyň barometri hasaplanýar.
Bu Hytaýyň iň gadymy söwda sergisinde ähli görkezijiler boýunça rekord derejede gatnaşma hasaba alyndy — 32 000-den gowrak kompaniýa gatnaşýar, olaryň takmynan 3900-si ilkinji gezek çykyş edýär.
4,65 milliondan gowrak görkezilen önümleriň arasynda tehnologik innowasiýalar merkezi orun eýeledi. Täze, ekologiýa taýdan arassa we özbaşdak işlenip taýýarlanan önümler degişli ýagdaýda 23%, 22% we 25% paýy eýeleýär.
