Şenbe güni Hytaý hemra internet tehnologiýasyny görkezmek maksady bilen synag hemrasyny üstünlikli kosmosa uçurdy.

Uçuryş Pekin wagty bilen sagat 19:32-de (11:32 GMT) Hytaýyň günortasyndaky Guandun welaýatynyň Ýanszýan şäheriniň kenarýaka akwatoriýasyndan Smart Dragon-3 (SD-3) raketa-göterijisiniň kömegi bilen amala aşyryldy. Hemra bellenen orbitasyna üstünlikli çykaryldy.

Deňizden amala aşyrylan bu uçuryş Taýýuan kosmodromy tarapyndan ýerine ýetirildi. Bu SD-3 raketasynyň 11-nji uçuryşydyr.

Uzynlygy 31 metr we agramy 140 tonna bolan SD-3 Hytaýyň Dragon raketa maşgalasyna degişlidir. Milli kosmos raketa ulgamlarynyň esasy bölegi bolup durýan Long March raketalaryndan tapawutlylykda Dragon seriýasy bolsa kiçi täjirçilik pes orbitaly hemralaryň we hemra torlarynyň artýan bazar isleglerini kanagatlandyrmak üçin ýörite işlenip taýýarlanyldy.