«Owaz» äheňindäki bahar: Aşgabatda martyň mylaýym agşamy size garaşýar
Mart seneden däl, ýüregi has çalt urdýan sazdan başlanýar. Ýaş we uly maksatlary bolan «Owaz» orkestri ikinji uly çykyşyna taýýarlanýar — bu gezekki konsert onuň Alyhezreti Zenana bagyşlanýar.
Konsertiň maksatnamasy megapolis depgini bilen ýaz bagynyň näzikligini utgaşdyrýan ussat sazlaşygydyr. Stereotipleri unudyň: Waleriý Meladzeniň we Grigoriý Lepsiň tanyş hitleri orkestr sazlaşygynda asylly, hatda «kinematografik» öwüşgin alýar. Bu — hemmämiziň ýatdan bilýän sazlarymyzyň täze many bilen açylýan ýagdaýydyr. Aşgabatly diňleýjiler dagystanly, gruzin kökli aýdymçy Zarina Tilidzeniň hem söýlüp diňlenýän aýdymlaryny eşiderler.
Maksatnamada türkmen kompozitorlary Aýna Şirowanyň we Gülşat Odeniýazowanyň döredijiligi aýratyn orun eýeleýär. Olaryň eserleri hemişe çuňňur intellektual lezzet bolup, agşama çuňluk we milli öwüşgin berýär.
Agşamyň «iň tagamly bölegi» hökmünde fransuz şansony bolar — birnäçe minutlyk Sena kenarlaryna syýahat edip, ýeňil ruhy duýmak isleýänler üçin. «Älemgoşar» çagalar horunyň çykyşy bolsa agşama käte ýetmezçilik edýän şol ýagty nostalgiýany we päkligi goşar.
Ikinji konsert — hemişe aýratyn synag we aýratyn hyjuwdyr. «Owaz» ýaňy bir ýolunyň başynda, we siz paýtagtymyzyň täze saz toparynyň döreýşine şaýat bolup bilersiňiz. Ejeleriňizi, dostlaryňyzy we ýakynlaryňyzy ýanyňyza alyň: «Watan» kinokonsert merkezindäki bu agşam 8 Mart üçin iň gowy sowgat bolar.
Sene: 6-njy mart
Başlanýan wagty: 19:00
Ýeri: «Watan» kinokonsert merkezi
Biletler çalt satylýar! Häzirden öňünden sargyt ediň: +993 62 822827, +993 63 049686
Bu agşamy «Owaz» tolkunynda geçiriň!
