Almaty 2029-njy ýylyň Aziýa gyşky oýunlarynyň geçiriljek ýeri hökmünde resmi taýdan tassyklanyldy
Milan şäherinde 10-njy Aziýa gyşky oýunlaryny geçirmek boýunça şertnama gol çekmek dabarasy geçirildi. Resminama laýyklykda, 2029-njy ýylda geçiriljek iri yklymlaýyn ýaryşyň paýtagty ady resmi taýdan Almaty şäherine berkidildi.
Dabara Aziýanyň Olimpiýa Geňeşiniň prezidenti şeýh Joaan bin Hamad Al Tani we Gazagystanyň Milli Olimpiýa Komitetiniň ýolbaşçylygy gatnaşdy. Şeýle hem çärä Halkara Olimpiýa Komitetiniň agzalary we halkara sport federasiýalarynyň wekilleri gatnaşdy.
Şertnamanyň gol çekilmegi resmi institusional düzgünleriň tamamlanandygyny aňladýar. AOG-niň ýolbaşçysynyň bellemegine görä, Almatynyň saýlanylmagy Geňeşiň ösen infrastruktura eýe bolan şäherleriň tejribesine daýanmak bilen Aziýanyň çäginde gyşky sport görnüşlerini ösdürmäge bolan ymtylyşyny tassyklaýar. Onuň aýtmagyna görä, Aziada-2029 yklymyň türgenleriniň arasynda agzybirligi pugtalandyrmak üçin möhüm meýdança bolar.
Almatyda geçiriljek Oýunlar ýubileý häsiýetine eýe bolar — olar gyşky Aziadalaryň taryhynda onunjy bolar. 2029-njy ýyldaky ýaryşlara gatnaşyjylarynyň sany boýunça rekordlary täzeläp biljekdigi çak edilýär, bu bolsa Aziýa sebitinde gyşky sport görnüşlerine bolan gyzyklanmanyň artýandygyny görkezýär.
ORIENT
