Dünýäde ilkinji Boeing-gibrid: täsin uçar Uzak Demirgazyga uçuşlara başlady
Air Inuit awiakompaniýasy dünýäde ilkinji gezek birleşdirilen konfigurasiýaly Boeing 737-800NG uçaryny ulanyşa girizdi. Bu uçar şol bir wagtyň özünde hem ýaşaýyş taýdan möhüm ýükleri, hem-de ýolagçylary daşaýar, bu bolsa Arktikanyň agyr şertleri üçin aýratyn amatlydyr. Monreal şäherinden Kuudjuak şäherine amala aşyrylan ilkinji gatnaw täze modeliň netijeliligini eýýäm tassyklady.
Uçaryň özboluşlylygy howa gämisiniň iki bölege bölünmeginde jemlenýär. Burun böleginde bäş sany ýük poddony ýerleşdirilýär, guýruk böleginde bolsa 90 ýolagçy üçin amatly salon bar. Şeýle gurluş her bir anyk gatnawyň zerurlyklaryna görä uçaryň ýüklenmesini çeýe ýagdaýda üýtgetmäge mümkinçilik berýär.
Uçaryň gaýtadan enjamlaşdyrylmagy bilen Kanadanyň KF Aerospace kompaniýasy meşgullandy. Inženerler ýangyna garşy goragy güýçlendirdiler, germetik aralyklary gurnadylar hem-de häzirki zaman awionika ulgamlaryny oturtdylar. Şeýle hem uçarda ýokary tizlikli Starlink interneti peýda boldy, ol hatda ýokary giňişliklerde-de işleýär.
Täze Boeing uzak ýyllaryň dowamynda Demirgazyga uçýan köne modelleriň ornuny tutar. Täzelik ep-esli az ýangyç sarp edýär we daşky gurşawa ýetirýän zyýany hem has pesdir. Kanadaly hünärmenleriň tejribesi eýýäm beýleki kyn sebitlerden — Alyaskadan Sibire çenli — daşaýjylaryň ünsüni çekdi.
ORIENT
