Ahalteke bedewleri Dunaýyň kenarynda – Türkmenistan Wenada ýylyň şygaryny tanyşdyrdy
MEDENIÝET | ORIENT. BMG-niň Wenadaky edarasynda türki medeniniň uly marafony başlady. 2026-njy ýylyň ilkinji çäresi, Türki döwletleriniň guramasynyň Medeniýet hepdeliginiň çäginde ýurduň Awstriýadaky ilçihanasy tarapyndan guralan “Garaşsyz, baky Bitarap Türkmenistan – bedew batly at-myradyň mekany” atly sergisi boldy.
Sergi 2026-njy ýylyň şygarynyň aýdyň beýanyna öwrüldi. BMG-niň binasynyň eýwanlarynda taryh bilen häzirki zamanyň özara baglanyşygyny görkezýän sergi ýaýbaňlandyryldy. Ahalteke bedewleriniň çeper şekilleri serginiň esasy many-mazmunyn öwrülip, myhmanlara bedewleriň iň gowy häsiýetlerini ýatlatdy.
Däbe öwrülen lybaslaryň, halylaryň we täsin kümüş şaý-sepleriň ýygyndysy öz senetleriniň syrlaryny asyrlaryň dowamynda saklap gelen türkmen senetçileriniň ajaýyp işlerini diplomatik korpusa görkezdi.
Çäräniň açylyşy Türki döwletleriň guramasynyň Baş sekretaryndan başlap, BMG-niň wekilhanalarynyň ýolbaşçylaryna çenli abraýly wekilleri bir ýere jemledi.
Ýewropanyň jemgyýetçiligi üçin şeýle sergi – bu diňe bir eksponatlary synlamak däl, eýsem sungat arkaly türkmen Bitaraplygynyň filosofiýasyny duýmak mümkinçiligidir. Ilçihananyň belleýşi ýaly, Türkmenistan medeni dialog arkaly bütin türki dünýäsinde we ýer ýüzünde hyzmatdaşlygyň binýadyny pugtalandyrýar.
