Türkmenistanyň raýatlary üçin wizasyz ugurlar: ýurtlaryň häzirki sanawy
Türkmenistanyň raýatlary käbir daşary ýurtlara öňünden wiza resmileşdirmezden syýahat edip bilerler ýa-da wizany gelen ýerinde alyp bilerler. Bu barada «Dünýä syýahat» syýahatçylyk kompaniýasy habar berýär.
Berlen maglumatlara görä, häzirki wagtda türkmen raýatlary üçin aşakdaky wizasyz we ýeňilleşdirilen giriş düzgünleri hereket edýär.
Doly wizasyz
Aziýa: Malaýziýa; Filippinler.
Ýewropa: Gruziýa.
Okeaniýa: Mikroneziýanyň Federatiw Ştatlary (galmagyň möhleti — 30 güne çenli).
Gelen ýerinde wiza
Aziýa: Maldiwler; Nepal; Makao.
Afrika: Mawrikiý; Ruanda; Zimbabwe; Mozambik.
Merkezi Amerika: Nikaragua.
Okeaniýa: Palau; Marşall adalary; Samoa.
Rugsat edilýän galmak möhletleri, şeýle hem giriş düzgünleri üýtgäp biljekdigini ýatladýarys. Şonuň üçin syýahatçylara syýahatdan öň degişli ýurtlaryň howa gatnaw kompaniýalaryndan we serhet gulluklaryndan häzirki talaplary anyklamak maslahat berilýär.
ORIENT
