AD Ports Group dünýä bazarynda ösüş üçin halkara derejeli top-menejer toparyny döredýär
Söwda we logistika çözgütlerini üpjün edýän öňdebaryjy kompaniýa bolan AD Ports Group öz toparyny giňeltmek barada mälim etdi. Logistika bölüminiň ýolbaşçylygyna dünýäniň iň iri kompaniýalaryndan — DB Schenker we Kuehne + Nagel-den öňki ýokary derejeli ýolbaşçylar bellendi. Bu kararlar kompaniýanyň dünýä logistika bazarynyň öňdebaryjy liderleriniň hataryna goşulmaga ymtylýandygyny görkezýär.
Esasy bellenişler iň möhüm ugurlara — deňiz we howa ýük daşamalaryna, şeýle-de işewürligi giňeltmegiň strategiýasyna degişlidir. Toparyň başyna dünýäniň iň iri logistika kompaniýalarynda 20 ýyldan gowrak halkara amallary dolandyran ýerine ýetiriji wise-prezident Torsten Maýnke bellendi. Onuň bilen birlikde howa daşamalary üçin satyn alyş mümkinçilikleri boýunça bilermenler hem-de birleşmeler we satyn almalar boýunça hünärmenler işe başlady. Bu bolsa kompaniýanyň halkara derejesinde işjeň ösüşe we iri geleşiklere taýýarlanýandygyny görkezýär.
Sebitleýin gurşaw: Afrikadan Latyn Amerikasyna çenli
Şeýle hem AD Ports Group Ýakyn Gündogar, Afrika we Latyn Amerikasy üçin täze dolandyryjy direktorlary belledi. Bu ýolbaşçylaryň her biri işewürligi özgertmekde we söwda ulgamlaryny giňeltmekde köp ýyllyk tejribä eýedir. Şeýle çemeleşme kompaniýa ýerli bazarlaryň aýratynlyklaryny has gowy hasaba almaga hem-de müşderilere dünýäniň islendik nokadyna ýük daşamak boýunça has netijeli çözgütleri hödürlemäge mümkinçilik berer.
Bazar üçin bu nämäni aňladýar?
Halkara derejeli topary jemläp, AD Ports Group köne logistika ägirtlerine çynlakaý bäsdeşlik edýär. Müşderiler we hyzmatdaşlar üçin bu kompaniýanyň hyzmatlaryň derejesini we tehnologiki mümkinçiliklerini täze basgançaga çykarýandygyny görkezýän möhüm duýduryş bolup durýar. Global tejribäniň we sebitleýin bazarlary çuňňur bilmegiň utgaşdyrylmagy kompaniýa diňe bir ýük daşamak bilen çäklenmän, eýsem yklymlaryň arasynda ygtybarly söwda geçelgelerini döretmäge mümkinçilik berer.
ORIENT
ORIENT mobil programmasynyň täzelenen wersiýasy platformalarda elýeterlidir iOS we Android
