Soňky ýedi ýylyň dowamynda Özbegistanyň gidroenergetika kuwwaty 52 göterim artdy
Özbegistan öz energetika garaşsyzlygyny ep-esli pugtalandyrdy. «Uzbekgidroenergo» paýdarlar jemgyýetiniň maglumatlaryna görä, ýurduň gidroenergetika mümkinçilikleri 2,5 GWt derejesine ýetdi, bu bolsa 2017-nji ýyldaky görkezijiler bilen deňeşdirilende 52 göterim ýokarydyr. Munuň esasy sebäbi bir milliard dollardan gowrak möçberde maýa goýumlaryň çekilmegi boldy, şolaryň 43 göterimi daşary ýurt maýa goýumlaryna degişlidir.
Bu serişdeleriň hasabyna respublikada 85 desga ulanmaga berildi. Olaryň arasynda dürli görnüşli 71 gidroelektrik stansiýasy, ýel elektrik stansiýasy, şeýle hem doly döwrebaplaşdyrylan 13 kuwwatlyklar bar. Umuman alnanda, energetika ulgamyna 841 MWt täze kuwwat goşuldy.
«Ýaşyl» energetikanyň şeýle derejede ösdürilmegi durnukly energiýa üpjünçiligi meselesini gönüden-göni çözýär. Ilat we işewürlik üçin bu elektrik üpjünçiliginde bökdençlikleriň azalýandygyny, ýokary ýükleme döwürlerinde-de ygtybarly elektrik energiýasynyň berilýändigini aňladýar. Öz GES-leriniň ösdürilmegi ýurduň gaz we kömür bahalaryna garaşlylygyny azaltmaga mümkinçilik berýär hem-de ekologik taýdan arassa, durnukly ykdysady ösüşi üpjün edýär.
ORIENT
ORIENT mobil goşundysynyň täzelenen wersiýasy iOS we Android platformalarynda elýeterlidir.
