Gonkong – Žuhai – Makao köprüsi 2018-nji ýyldan bäri 100 milliondan gowrak ýolagça hyzmat etdi
Hytaýyň günortasyndaky Gonkong – Žuhai – Makao köprüsiniň Žuhai guryýer porty 2018-nji ýylyň oktýabr aýynda ulanyşa girizileninden bäri ýurda gelip-gidýän 100 milliondan gowrak ýolagçylara hyzmat etdi.
Uzynlygy 55 kilometr bolan bu köpri Gonkong, Makao ýörite dolandyryş sebitlerini we Žuhai şäherini birleşdirip, deňiz üstünden geçýän köpri-tunel desgalarynyň arasynda dünýäde iň uzyny hasaplanýar. Bu köpri Gonkongdan Žuhai we Makao çenli ýol wagtyny üç sagatdan 45 minuta çenli gysgaldýar.
Serhet gözegçilik-barlag gullugynyň maglumatlaryna görä, bu köpri 2025-nji ýylda 31 million 340 müň sany ýolagça hyzmat edip, bu görkeziji 2019-njy ýyl bilen deňeşdirilende 140 göterim töweregi ýokarydyr. 2025-nji ýylda daşary ýurtdan gelen myhmanlaryň sany 569 müň adama ýetip, geçen ýyl bilen deňeşdirilende 28.7 göterim artdy.
Ýolagçylaryň sanynyň artmagy serhetde emeli intellekt, uly maglumat ulgamlary we döwrebap tehnologiýaly geçelgeler ýaly täzeçe çözgütleriň ornaşdyrylmagy bilen baglanyşyklydyr. Bu köpri arkaly Guandun – Gonkong – Makao Uly aýlag sebitinde “bir sagatlyk durmuş aýlawy” emele gelýär hem-de sebitara ykdysady ysnyşyklyga itergi berýär.
