Hytaý 2030-njy ýyla çenli dünýä derejesindäki demir ýol ulgamyny doly gurmagy maksat edinýär
Hytaý Halk Respublikasy 2030-njy ýyla çenli dünýä derejesindäki döwrebap demir ýol ulgamynyň gurluşygyny tamamlamagy meýilleşdirýär. Bu barada hepdäniň ýekşenbe güni Hytaýyň Demir Ýollary edarasy habar berdi. Bu meýilnama sebitara aragatnaşygyny ösdürmeklige gönükdirilendir.
Maglumatlara görä, 2030-njy ýyla çenli Hytaýyň demir ýol ulgamynyň umumy uzynlygy 180 müň kilometre ýetirilip, onuň 60 müň kilometre barabar bölegi ýokary tizlikli demir ýol ugurlary bolar.
2025-nji ýylyň ahyrynda Hytaýyň demir ýol ulgamynyň umumy uzynlygy 165 müň kilometre ýetdi, şol sanda ýokary tizlikli demir ýol ulgamynyň uzynlygy 50 müň kilometrden geçdi.
2021 – 2025-nji ýyllar aralygynda Hytaýyň demir ýol ulgamynyň uzynlygy 12.8 göterim artdy, ýokary tizlikli demir ýol ulgamynyň uzynlygy bolsa 33 göterim töweregi artdy.
