Doogee Tab E3 Pro we Max planşetlerini tanyşdyrdy: iş we dynç alyş üçin uly ekranlar we kuwwatly batareýalar
Doogee kompaniýasy täze Tab E3 Pro we Tab E3 Max planşetlerini çykardy. Täze modelleriň esasy artykmaçlyklary — örän uly displeýler we ýokary awtonom işleýşi. Bu enjamlar iş, okuw we güýmenje üçin giň ekran giňişligine mätäç bolan ulanyjylar üçin niýetlenendir.
Tab E3 Pro modeli onlaýn sapaklar we wideo tomaşa etmek üçin amatly bolan 13 dýuýmlyk displeý bilen üpjün edildi. Tab E3 Max wersiýasy bolsa 2,1K çözgütli has uly — 14 dýuýmlyk ekran aldy. Iki planşet hem gözüň goragy tehnologiýalaryny we rahat işlemek üçin ýagtylygyň awtomatiki sazlanmagyny goldaýar.
Öndürijilik üçin 6-nm MediaTek Helio G100 prosessory jogapkärdir. Operatiw ýadyň göwrümi 8 GB bolup, ony 32 GB-a çenli giňeltmek mümkinçiligi bar. Bu köpugurly iş tertibinde programmalaryň we oýunlaryň durnukly işlemegini üpjün edýär. 256 GB göwrümli içerki ýat bolsa uly möçberde maglumat saklamaga mümkinçilik berýär.
Awtonomiýa aýratyn üns berildi. Tab E3 Pro modeli 11 000 mA·sag sygymly batareýa, Tab E3 Max bolsa 13 500 mA·sag batareýa bilen üpjün edildi. Bu uzak wagtlap zarýad bermezden ulanmagy kepillendirýär. Ses hili üçin dört sany dinamik we nauşnikler üçin 3,5 mm razýom göz öňünde tutuldy.
Planşetler Android 15 täze operasion ulgamy esasynda işleýär. Gurlan Gemini AI emeli aň kömekçisi ulanyjylara gündelik meseleleri has çalt ýerine ýetirmäge ýardam berýär. Doly derejeli iş stansiýasyna mätäç bolanlar üçin klawiatura, syçanjyk we stilus bilen enjamlaşdyrylan VIP neşiri hem elýeterlidir.
ORIENT
