Türkiýe hytaýly syýahatçylara ýurda wizasyz girmäge rugsat berýär
Hepdäniň çarşenbe güni Resmi Gazetde çap edilen Türkiýäniň Prezidentiň permanyna görä, adaty pasporty bolan Hytaý raýatlaryna syýahatçylyk maksatlary bilen we üstaşyr gatnawlary boýunça wizasyz ýurda girmäge rugsat berildi.
Türkiýäniň Prezidenti Rejep Taýyp Ärdogan tarapyndan gol çekilen täze düzgünlere laýyklykda, hytaýly syýahatçylar islendik 180 günlük döwürde 90 güne çenli Türkiýede bolmak üçin wiza talaplaryndan boşadylar. Bu düzgün 2026-njy ýylyň 2-nji ýanwaryndan güýje girer.
Bu ädim iki ýurduň arasyndaky söwdany we syýahatçylygy güýçlendirmegi göz öňünde tutýandyr. Bu düzgün Türkiýä syýahatçylyk maksatlary bilen gelýän Hytaý raýatlarynyň sanynyň ep-esli artmagy netijesinde girizilýär.
Türkiýäniň resmi maglumatlaryna görä, 2024-nji ýylda Türkiýä gelen hytaýly syýahatçylaryň sany geçen ýyl bilen deňeşdirilende 65.1 göterim artyp, 410 000-e golaýlady. Bu bolsa howa gatnawlarynyň köpelmegi we Türkiýäniň medeni mirasy bolan syýahatçylyk ýerlerine gyzyklanmanyň has-da artmagy esasynda ýetilen görkezijidir.
