Ýaponiýada logistika hyzmatdaşlygynda täze tapgyr hökmünde Aşgabat – Tokio ugry boýunça göni gatnawlaryň ýola goýulmagyna garaşýar
Tokio | ORIENT. Dekabr aýynda Tokioda geçirilen sammitiň esasy temasy bolan Türkmenistan bilen Ýaponiýanyň arasyndaky göni howa gatnawy ýola goýmak meselesi Ýaponiýanyň işewür toparlarynyň arasynda işjeň ara alnyp maslahatlaşylmagyny dowam etdirýär. Ýaponiýanyň öňdebaryjy habar beriş serişdeleri 2026-njy ýylda ýola goýulmagyna garaşylýan uçuşlaryň diňe bir syýahatçylyk däl, eýsem kuwwatly ýük daşalýan ugurlaryna öwrüljekdigini nygtaýarlar.
Ýapon bilermenleri göni uçuşlaryň Merkezi Aziýa ýokary tehnologiýaly harytlaryň we elektronikanyň eltilmeginiň wagtyny ep-esli azaltjakdygyny nygtaýarlar.
“Budget Sky” ugurdaş neşiriniň habar berişi ýaly, Narita – Aşgabat ugry boýunça göni uçuşlaryň ýola goýulmagy üçin alnyp barylýan işler möhüm tapgyra gadam basýar, ilkinji gezek bolsa yzygiderli gatnawlar paýtagtlary 2026-njy ýylda baglanyşdyryp biler.
Tokiodaky we Osakadaky Işewür assosasiýasy göni howa gatnawynyň açylmagyny ýapon maýadarlarynyň we tehniki hünärmenleriniň Türkmenistanyň “ýaşyl” energiýa we sanlylaşdyrma boýunça taslamalaryny işe girizilmegi üçin mümkinçilik hökmünde görýärler.
Ýapon tarapy üçin bu diňe howa gatnawy däl; bu sammitde yglan edilen maýa goýum bukjasy üçin fiziki infrastrukturanyň döredilmegidir.
Bu ugur boýunça gatnawy açylmagy ulgamlaýyn häsiýete eýedir. Ýatlatýarys, Tokio/Narita – Aşgabat ugry boýunça uçuşlaryň çarçuwasy 2023-nji ýylyň ahyrynda işlenip düzüldi. 2025-nji ýylyň dowamynda iki ýurduň howa gatnawy boýunça degişli edaralary ýakyndan maslahatlaşdylar. Ýanwar aýynda tehniki düzgünnamalary giňişleýin işläp düzmek üçin “Türkmenhowaýollary” döwlet gullugynyň wekiliýetiniň Ýaponiýa sapary muňa mysal bolup biler.
