Moskwada kansler Iwan Ostermanyň 300 ýyllygyna bagyşlanan ýadygärlik we sergi açyldy
Moskwada ýerleşýän Bütinrussiýa haşam sungaty muzeýinde Russiýa imperiýasynyň görnükli diplomaty we kansleri Iwan Ostermana bagyşlanan ýadygärlik açyldy. Ýadygärlik onuň taryhy mülküniň çäginde, Russiýa Federasiýasynyň Daşary işler ministrliginiň daşary syýasat edarasynyň ýolbaşçylary baradaky hatyrany gorap saklamak boýunça maksatnamasynyň çäklerinde oturdyldy diýip, «Международная жизнь» žurnaly habar berýär.
Şeýle-de ýubileý mynasybetli XVIII asyra degişli seýrek taryhy gymmatlyklary bir ýere jemlän «Russiýa imperiýasynyň kansleri» atly sergi guraldy. Sergide Treťýakow galereýasynyň, Taryh muzeýiniň hem-de A.S. Puşkin adyndaky Döwlet şekillendiriş sungaty muzeýiniň gaznalaryndan alnan gymmatlyklar görkezilýär. Ekspozisiýada Ostermanlar nesline degişli şahsy zatlar, şaý-sepler, asylzadalaryň geýimleri we imperatorlyk farfory ýerleşdirildi. Bu dürli milli ýygyndylardan alnan özboluşly eksponatlary bir ýerde görmek üçin seýrek mümkinçilikdir.
Bütinrussiýa haşam sungaty muzeýindäki sergä 2026-njy ýylyň 1-nji fewralyna çenli baryp bolýar. Taslama Russiýa diplomatiýasynyň taryhy we imperiýanyň «altyn asyrynyň» medeniýeti bilen gadymy zatlaryň hakyky nusgalary arkaly tanyşmak isleýänleriň hemmesi üçin gyzykly bolar.
ORIENT
