Bitkoin 2026-njy ýylda $140 000 derejä ýetip biler
Bitget Research-iň öňdebaryjy derňewçisi Raýan Li 2026-njy ýylda bitkoiniň iň ýokary bahasynyň $140 000 boljakdygyny çaklaýar. Bu oňyn çaklama dünýä ykdysady ýagdaýyna hem-de kriptowalýuta bazaryna täze maýanyň gelşine gönüden-göni baglydyr.
Maýadarlaryň esasy ünsi ABŞ-nyň pul-karz syýasatyna gönükdirilendir. Li-niň pikirine görä, eger kadalaşdyryjy edaralar ýakyn alty aýyň dowamynda syýasaty ýumşatmak barada duýduryş berse, bu töwekgelçilikli aktiwlere maýanyň gaýdyp gelmegine itergi berer.
Bu ýagdaýda ösüş tapgyrlaýyn bolar:
• Ilki bilen bahanyň $110 000 derejesine çenli ortaça ýokarlanmagyna garaşylýar.
• 2026-njy ýylyň ikinji çärýeginde bu hümmet $120 000 — $125 000 aralygyndaky derejeleri synagdan geçirer.
• Oňyn ýagdaý saklanyp galsa, ýylyň ikinji ýarymynda bitkoin $140 000 derejesine ýetip biler.
Li likwidligiň aýgytly faktor bolup durýandygyny aýratyn nygtady. Eger bazara täze maýa gelmese, bitkoin $120 000 derejeden geçip bilmez. CoinDesk-iň maglumatlaryna görä, 12-nji dekabr ýagdaýyna görä bitkoiniň bahasy takmynan $92,4 müň bolupdy.
ORIENT
