Aşgabatda Diwali festiwalynyň ÝUNESKO-nyň Maddy däl medeni mirasynyň sanawyna girizilmegi bellenildi
Şu gün Aşgabatda hindi jemgyýetiniň wekilleri we Hindistanyň dostlary Diwali — hindi halkynyň köpasyrlyk “Çyra baýramçylygynyň” — ÝUNESKO-nyň Maddy däl medeni mirasynyň sanawyna girizilmegini dabaraly ýagdaýda bellediler.
Gatnaşyjylar, ÝUNESKO-nyň bu kararynyň Hindistanyň medeni baýlygyny we müňýyllyk däplerini halkara derejesinde ykrar etmekde möhüm ädimdigini nygtadylar.
Ýagtylygyň — garaňkylygyň, ýagşylygyň — erbetligiň üstünden ýeňiş gazanmagynyň nyşany bolup durýan Diwali dünýäniň dürli ýurtlarynda maşgalalary we jemgyýetleri birleşdirýär.
Festiwalyň ÝUNESKO-nyň abraýly sanawyna girizilmegi, hindi jemgyýetiniň agzalarynyň belleýşi ýaly, Hindistanyň medeni mirasyny mundan beýläk-de wagyz etmeklige we medeniýetara dialogy berkitmäge ýardam edýär.
