Türkmen suratkeşi “Göwher kebelek” – Ýewraziýa kino baýragyna mynasyp boldy
27-nji noýabrda Moskwada “Göwher kebelek” açyk Ýewraziýa kino baýragynyň gowşurylyş dabarasy geçirildi. Sylaglar 17 ýurduň kinorežissýorlaryna milli kinonyň özboluşlylygyny we baýlygyny görkezýän iň gowy işler üçin gowşuryldy.
Meýlis Hudaýberenowyň gazanan ýeňşi Türkmenistan üçin uly üstünlik boldy, ol “Kompozitor” atly filmidäki işi üçin Iň gowy surtakeş diýlip ykrar edildi. Bu üstünlik türkmen kinematograflarynyň ýokary ussatlygyny we Ýewraziýa medeni giňişliginiň ösüşine goşýan goşandyny görkezýär.
Sylagyň baýragy – meşhur suratkeş Ýuriý Kuper tarapyndan döredilen göwher bilen bezelen kebelek şekilli heýkeljikdir.
Dabaranyň dowamynda Merkezi Aziýadan we beýleki sebitlerden gelen sungat işgärlerini sylaglady:
Iň gowy film: Hytaýly režissýor Sýuý Çženiň “Akyma garşy”.
Iň gowy režissýor: baýrak Goran Radowanowiçe (“Tokaý patyşasy”, Serbiýa) gowşuryldy.
Iň gowy erkek adamyň keşbi: Aleksandr Adabaşýan “Iti hasaba almazdan ikisi bir durmuşda” filmindäki keşbi üçin.
Iň gowy zenan adamyň keşbi: Swetlana Krýuçkowa (şeýle hem “Iti hasaba almazdan ikisi bir durmuşda” filmi üçin).
Ikinji plandaky iň gowy aktýor: Anwar Kartaýew “Bahary yzyndan kowalamak” (Özbegistan).
Ikinji plandaky iň gowy aktrisa: Sone Huseýin (“Termit”, Pakistan – Kanada) baýragyna mynasyp boldy.
Iň gowy operator: Talant Akynbekow (“Gara, gyzyl, sary”, Gyrgyzystan).
Iň gowy ssenariý: Kerol Şor (Günorta Afrika Respublikasy) “Köne dogruçyl blýuzlar” filmi üçin.
Iň gowy kompozitor: Ýuriý Poteýenko (Belarus).
Ýewraziýadan daşary ýurtdan iň gowy film: Wenesuelaly režissýor Daniel Egres Riçardyň “Ali Primera”.
Dünýä kinosyna goşan goşandy üçin: Baýraga meşhur režissýor Majid Majidi (Eýran) mynasyp boldy.
Baýraga Türkmenistandan, Gyrgyzystandan, Täjigistandan, Özbegistandan, Russiýadan, Hytaýdan, Türkiýeden, Serbiýadan, Wenesueladan, Günorta Afrikadan, Eýrandan we beýleki ýurtlardan eserler hödürlendi.
