Robotlar üçin altynjy duýgy: Inženerler enjamlary uzak aralykdan duýmak ukyby bilen üpjün ederler
Londonyň Şa zenany Mariýa Uniwersitetiniň we Londonyň Uniwersitet kollejiniň alymlary robotlary «altynjy duýgy» analogy bilen enjamlaşdyrmak üçin täze köpugurly esas döredýärler. Taslamanyň maksady — robotlara daşky gurşawdaky ownuk üýtgeşmeleri duýmak arkaly, gönüden-göni degmän, gizlin obýektleri anyklamaga mümkinçilik berýän uzak aralykdan duýmak ukybyny bermekdir.
Bu ulgam fiziologiýa, psihologiýa, emeli aň we robototehnika ugurlarynyň çatrygynda ýerleşýär. Bu endik käbir guşlarda (mysal üçin, çägelikleriň hereketine seredip gurçuk gözleýän çuluklar) ösendir, emma adam tarapyndan ulanylmaýar.
Barlaglaryň dowamynda adamynyň uzak aralykdan duýmak ukybynyň häzirki zaman robotlaryňkydan has ýokarydygy tassyklandy. Adamlar ýerasty gizlenen zatlary 2,7 sm çuňlukda (maksimum — 6,9 sm) takmynan 70% üstünlik ähtimallygy bilen tapyp bilýärler, emma degişli sensorlar bilen enjamlaşdyrylan robotlarda bu görkeziji häzirlikçe 40%-den geçmeýär.
Inženerleriň esasy wezipesi diňe bir datçikleri kämilleşdirmek däl, eýsem maglumatlary gaýtadan işlemek gurallaryny hem öwrenmekdir. Bu bolsa adamdaky üýtgeşik duýgy kabul ediş ulgamyny gaýtadan döretmäge kömek eder.
Aralykdan duýmak ukybynyň ösüşi robotlara möhüm amaly başarnyklary berer: dürli materiallar bilen inçe işleşmekde, gizlin zatlary tapmakda (arheologiýada, gözleg–halas ediş işlerinde ýa-da Mars ýaly başga planetanyň topragy bilen işleşmekde) peýdaly bolar. Şeýle sensorlar gönüden-göni aragatnaşygyň howply bolan agressiw gurşawlarda hem peýdalydyr.
ORIENT
Goşmaça okaň:
Ýaşlaryň arasynda geçirilen robot tehnikasy boýunça bäsleşik: ýeňijiler sylaglandy
