Windows 11 Copilot AI kömekçisi bilen giň gerimli täzelenildi
Microsoft Windows 11-iň taryhyndaky iň uly täzelenmesini döredip, ony Copilot AI kömekçisi bilen birleşdirdi. Täze Copilot indi klawiatura ýa-da syçan ulanmazdan kompýuteri doly dolandyrmak mümkinçiligini berýär.
Täze Copilot «Heý, Copilot» diýen sesli buýruk bilen işläp başlaýar we ulanyjylara ulgam bilen tebigy dil arkaly aragatnaşyk saklamaga mümkinçilik berýär. Vision funksiýasy arkaly AI ekrandaky ähli zady görüp, bolup geçýän wakalary düşündirýär, maslahat berýär, tekst ýazýar, sahypalary geçirýär we ulanyjynyň islegine görä wideo mazmunyny saýlaýar.
Täzelenen Copilot Actions funksiýasy iş stolyndan göni stoly öňünden sargyt etmäge, iýmit sargamaga we öý hojalygy bilen baglanyşykly işleri ýerine ýetirmäge mümkinçilik berýär. Xbox programmasynda oýunçylara niýetlenen Gaming Copilot oýun prosesinde maslahat we teklipler berip,şahsy derňewçi hökmünde çykyş edýär.
Microsoft täze Windows 11 wersiýasynyň kompýuteriň ulanyja tebigy usulda düşünip, iş we dynç alyş maksatlarynda kömek edýän geljegini döredýändigini yglan edýär.
