Türkmenistanda 2030-njy ýyla çenli maliýe bazaryny ösdürmegiň Strategiýasy tassyklanyldy
8-nji oktýabrda, çarşenbe güni Türkmenistanyň Ministrler Kabinetiniň mejlisinde wise-premýer Hojamyrat Geldimyradow Türmenistanyň Prezidenti Serdar Berdimuhamedowa “Türkmenistanda 2030-njy ýyla çenli maliýe bazaryny ösdürmegiň Strategiýasynyň” taslamasyny hödürledi.
Strategiýa Türkmenistanyň maliýe pudagyny hemmetaraplaýyn döwrebaplaşdyrmaga gönükdirilen maksatlary we wezipeleri kesgitleýär. Onda aşakdakylar göz öňünde tutulan:
Halkara standartlary we dünýäniň öňdebaryjy tejribesini göz öňünde tutup, maliýe bazarynyň institusional gurluşyny we kanunçylyk binýadyny kämilleşdirmek;
Maliýe serişdelerini netijeli dolandyrmak we maýa goýumlary artdyrmak boýunça çäreleri geçirmek;
Milli ätiýaçlandyryş bazarynyň işini mundan beýläk-de kämilleşdirmek;
Bazar gatnaşyklaryna esaslanýan ykdysady gatnaşyklary giňeltmek.
Prezident Serdar Berdimuhamedow hasabaty diňläp, degişli Karara gol çekdi we wise-premýere ýurtda maliýe serişdeleriniň netijeli dolanyşygyny üpjün etmek boýunça tabşyryklary berdi.
ORIENT
