Hytaý K wizasyny girizýär: ol Türkmenistanyň raýatlary üçin haýsy mümkinçilikleri açar?
1-nji oktýabrdan başlap Hytaý Halk Respublikasynda K toparyndaky täze wiza işe giriziler. Bu wiza ylym we tehnologiýa ugrundaky ýaş hünärmenler üçin niýetlenendir. Bu barada CCTV, Hytaýyň Daşary Işler Ministrligine salgylanyp habar berýär.
Ministrligiň wekili Go Szýakunýanyň sözlerine görä, bu girizilen täzeçilik ýokary tehnologiýa ugrundaky ýaş alymlaryň we hünärmenleriň arasynda halkara hyzmatdaşlygy we alyş-çalyşy giňeltmegi maksat edinýär. Bar bolan 12 görnüşli wizalardan tapawutlylykda, K toparyndaky wiza has köp rugsat edilen girişleri, uzaldylan hereket ediş möhleti we has uzak galmak möhletini üpjün edýär.
Täze wizanyň eýeleri bilim, medeniýet we ylmy-tehniki maksatnamalara gatnaşyp biler, şeýle hem telekeçilik we iş taslamalaryny amala aşyryp biler. Ony almak üçin ýaş, bilim derejesi we hünär tejribesi ýaly esasy görkezijilere laýyk gelmeli. Hytaý tarapyndan çakylyk gerek däl we wiza almak prosesi ýönekeýleşdirilen.
Türkmenistanly ýaş hünärmenler üçin bu täze wiza bilim almak, bilelikdäki taslamalara gatnaşmak we halkara ylmy jemgyýet bilen hünär gatnaşyklary ösdürmek üçin täze mümkinçilikleri açar.
ORIENT
