Dreame mehaniki golly öý süpüriji roboty bilen tanyşdyrdy
Dreame kompaniýasy täze Cyber10 Ultra öý süpüriji roboty bilen tanyşdyrdy. Onuň esasy aýratynlygy – içine ornaşdyrylan mehaniki manipulýator goly CyberDex. Bu robotlaşdyrylan goşmaça el enjamy diňe bir zatlary ýerinden süýşürmäge däl-de, eýsem adaty süpürijileriň ýetip bilmeýän ýerlerini hem täsirli arassalamaga mümkinçilik berýär. Mysal üçin, inçe deşikler ýa-da mebelleriň aýaklarynyň arasy ýaly ýerler. Goly 33 sm çenli uzaldyp bolýar we ol 500 gram agramyndaky zatlary galdyryp bilýär.
Ösen nawigasiýa ulgamlarynyň kömegi bilen robot jaýyň kartasyny çalt düzýär we kabel ýaly zatlary goşmak bilen 240-dan gowrak päsgelçiligi takyk kesgitleýär. Şeýle hem ol 360° wideoýazgy görkezilişini goldaýar, bu bolsa öý haýwanlaryna gözegçilik kamerasy hökmünde peýdalanmaga mümkinçilik berýär. Pet Care 4.0 ulgamy robotyň haýwanlary tanamagyna we dökülen iým ýa-da dolduryjy ýüze çykarylanda awtomatiki ýagdaýda sorujy güýjüni güýçlendirmegine kömek edýär.
Arassalygyň ýokary hilini üpjün etmek üçin Cyber10 Ultra iki kameraly ýuwujy serişdeler bölümi, şeýle hem gyzgyn suw bilen süpürgüji öz-özüni arassalamak we guratmak funksiýasy bilen enjamlaşdyrylan. Öz-özüne hyzmat etmek ulgamynyň ählisi köp funksiýaly dok-stansiýa integrirlenen. Täze öý süpüriji robotyň satuwy 2026-njy ýylyň başynda başlanar.
ORIENT
