Türkmenistan we Ýaponiýa: üns merkezinde – iri göwrümli maýa goýum taslamalary
5-nji sentýabrda, anna güni wise-premýer, Türkmenistanyň Daşary işler ministri Raşid Meredow Ýaponiýanyň Halkara hyzmatdaşlyk bankynyň (JBIC) Başlygynyň orunbasary, Wekilçilikli direktory jenap Amakawa Kazuhiko bilen duşuşyk geçirdi. Gepleşikler, iň ýokary derejede syýasy dialoga esaslanýan türkmen-ýapon gatnaşyklarynyň ýokary ösüş depginiň ýene bir tassyklamasy boldy.
Duşuşygyň dowamynda taraplar Türkmenistan bilen JBIC-iň arasynda toplanan oňyn tejribe kanagatlanma bilen bellenildi. Ikitaraplaýyn ylalaşyklaryň esasynda durmuşa geçirilýän hem-de nebitgaz, elektroenergetika we himiýa pudaklarynda iri desgalaryň gurluşygyny maliýeleşdirmäge gönükdirilen bilelikdäki taslamalaryň netijeliligi nygtaldy.
Ýapon tarapy Türkmenistanyň Prezidentiniň ýolbaşçylygynda durmuşa geçirilýän açyk maýa goýum syýasatyna ýokary baha berdi. Amakawa Kazuhiko hyzmatdaşlygy has-da giňeltmäge gyzyklanmasyny beýan etdi we JBIC-iň Türkmenistanda täze iri milli taslamalaryň durmuşa geçirilmegine gatnaşmaga taýýardygyny tassyklady.
Şu ýylyň aprel aýynda Türkmenistanyň Prezidentiniň Ýaponiýa amala aşyran sapary wagtynda gol çekilen ikitaraplaýyn resminamalaryň ähmiýetine aýratyn üns berildi. Bu ylalaşyklar hyzmatdaşlygy has-da çuňlaşdyrmak üçin berk kadalaşdyryjy-hukuk binýadyny döredýär.
ORIENT
Tema boýunça
Türkmen wekiliýeti Ýaponiýada: dokma we söwda – gepleşikleriň esasy temasy
Türkmenistanyň Prezidenti Ýaponiýanyň Halkara hyzmatdaşlyk bankynyň başlygy bilen duşuşyk geçirdi
Türkmenistanyň Prezidenti we Ýaponiýanyň Imperatory hyzmatdaşlygyň geljegi barada söhbetdeş boldular
