Vivo Apple bilen bäsleşýär: kompaniýa ilkinji garyşyk hakykat şlemini hödürledi
Vivo kompaniýasy Vision Explorer Edition atly ilkinji garyşyk hakykat şlemi bilen tanyşdyrdy. Kompaniýanyň bu ilkinji önümini bäsdeşlerinden tapawutlandyrýan zat onuň aýratyn ýeňil agramydyr: bary-ýogy 398 gram. Mysal üçin, bu Apple Vision Pro-dan bir ýarym esse ýeňildir. Şeýle ýeňil agramy magniý garyndysyndan taýýarlanan komponentleriň we oýlanyşykly gurluşyň netijesinde gazanyldy.
Şlem ýokary çözgütli iki sany micro-OLED displeý bilen enjamlaşdyrylan hem-de onuň işini Qualcomm Snapdragon XR2+ atly iň täze çip üpjün edýär. Vivo-nyň maglumatlaryna görä, bu çip ozalkysyndan 2,5 esse has ýokary öndürijiligi üpjün edýär. Enjamyň aýratynlygyna örän pes geçiriş gijikmesi (diňe 13 ms) we gözüň hem-de elleriň hereketlerini takyk yzarlamak girýär, bu bolsa wirtual dünýä bilen aragatnaşygy has düşnükli edýär.
Ýöne entek Vision Explorer Edition-y satyn alyp bolmaýar. Vivo adaty däl strategiýany saýlap aldy: 22-nji awgustdan başlap, bu şlemi Hytaýyň iri şäherlerindäki demo-stendlere baryp synap görmek mümkin. Kompaniýa ilki bilen ulanyjylara enjamy synap görmek mümkinçiligini bermek, soň bolsa söwda çykarmak niýetinde. Deslapky maglumatlara görä, onuň bahasy takmynan 10 000 ýuana (≈100 000 rubl) deň bolar.
ORIENT
