Hytaý patentleriň sany boýunça global innowasiýa reýtinginde öňdebaryjylygy eýeleýär
IFI Global 250 2025-nji ýyl üçin reýtingine görä, Hytaý global innowasiýalar babatda öz öňdebaryjylygyny berkitdi we ilkinji onlugyň ýedinji ornuny eýeledi. Hereket edýän patent maşgalalarynyň sany boýunça kompaniýalara baha berýän barlagyň netijesinde, Hytaýyň Döwlet Elektrik Tor Korporasiýasy (State Grid Corp) birinji ýeri eýeledi, ondan soň Hytaýyň Ylymlar Akademiýasy we Günorta Koreýanyň Samsung kompaniýasy ýerleşdi.
Umuman, reýtinge 250 kompaniýa girizildi. Olar ýurtlar boýunça şeýle paýlandy:
• Ýaponiýa 75 kompaniýa bilen (jeminiň 30%-i) hasaba alyndy.
• Hytaý 72 kompaniýa bilen ikinji orny eýeledi, emma bir ýurda degişli bolan oýlap tapyşlaryň umumy sany boýunça öňdäki orny saklaýar.
• ABŞ sanawda kompaniýa sanawy boýunça (45) üçünji ýeri eýeledi. Olaryň arasynda IBM (20-nji ýer), Microsoft (32-nji ýer) we Qualcomm (34-nji ýer) aýratyn tapawutlandy.
IFI-niň marketing bölüminiň ýolbaşçysy Lili Ýakurçiň bellemegine görä, patent işjeňligini seljermek maýadarlara kompaniýanyň tehnologik derejesi we «maddy däl aktiwleri» barada adaty maliýe hasabatyndan has takyk düşünje berýär. Global 250 reýtingi dünýäniň 106 patent edarasyndan alnan maglumatlara esaslanýar. Ol diňe hereket edýän patentleri göz öňünde tutýar we olary birnäçe ýurtlarda goralan bir oýlap tapyş bolan «patent maşgalalaryna» birleşdirýär.
ORIENT
