Hazar deňzi – parahatçylygyň we hyzmatdaşlygyň giňişligi: Türkmenbaşydaky maslahat
Türkmenbaşy şäherinde Hazar deňziniň gününe bagyşlanan dabaraly çäreler geçirildi, onuň esasy pursady “Hazar deňzi – dostluk we parahatçylyk deňzi” atly ylmy-amaly maslahat geçirilmegi boldy. Maslahatyň moderatory bolup Hazar deňzi institutynyň direktory Myrat Atajanow çykyş etdi.
Maslahatyň açylyşy Türkmenistanyň hormatly Prezidenti Serdar Berdimuhamedowyň ylmy-amaly maslahata gatnaşyjylara ýollan Ýüzlenmesi bilen dabaralandyryldy. Çärä Türkmenistanyň ygtyýarly wekilleri, Aşgabatda akkreditlenen Hazarýaka döwletleriniň Ilçileri, BMG, ÝHHG, ÝB ýaly halkara we sebit guramalarynyň wekilhanalarynyň ýolbaşçylary, gatnaşdylar.
Türkmenistan Ministrler Kabinetiniň Başlygynyň orunbasary, daşary işler ministri Raşid Meredow öz çykyşynda Hazar deňziniň daşky gurşawyny goramak meselelerini, hususan-da Hazar deňziniň suw hem-de biologik serişdelerini gorap saklamak we rejeli peýdalanmak barada Ylalaşygy ilerletmekde Türkmenistanyň işjeň we konstruktiw ornuny belläp geçdi. Şeýle hem ol BMG-niň Baş Assambleýasynyň 78-nji sessiýasynyň umumy mejlisinde Türkmenistanyň Prezidentiniň öňe süren Hazar ekologik başlangyjynyň ähmiýeti aýratyn nygtaldy.
Maslahatda gidrometeorologiýa, ösümlik we haýwanat dünýäsini goramak hem-de ekologiki kadalary we düzgünleri berjaý etmek ýaly ulgamlarda hyzmatdaşlygyň ileri tutulýan ugurlary boýunça hasabatlar diňlenildi. Gatnaşanlar Türkmenistanyň Hazarýaka döwletleri we halkara gurluşlary bilen ýakyn hyzmatdaşlyga ygrarlydygyny tassykladylar.
Netijede, Hazar deňziniň dostluk we parahatçylyk deňzidigini bellediler we deňiz gurşawyny durnukly ösdürmek we goramak üçin bilelikdäki işleri dowam etdirmäge çagyrdylar.
ORIENT
