Tesla Optimus V3 robotynyň täze görnüşini taýýarlaýar: 2026-njy ýylda köpçülikleýin önümçilige garaşylýar
Ilon Maskyň bellemegine görä, Tesla kompaniýasy Optimus V3 adam şekilli täze robotynyň işlenip taýýarlanyşyny 2025-nji ýylyň ahyryna çenli tamamlamagy meýilleşdirýär. Bu modeliň köpçülikleýin önümçiligi bolsa 2026-njy ýylda başlanar. Mask Optimus-y "taryhdaky iň uly önümiň biri" diýip atlandyrdy (emma onuň Tesla-nyňmy ýa-da umumy adamzadyň taryhymy — anyklamady).
Optimus robotlary eýýäm Tesla zawodlarynda birnäçe wezipäni ýerine ýetirýärler, şeýle-de Los-Anjelesdäki täze Supercharger naharhanasynda hem ulanylýar. Geljek ýylda bu robotlaryň müşderileriň ulaglaryna nahar eltmek işine girişmegi meýilleşdirilýär.
Aýratynlyklary we önümçilik meýilnamasy: Optimus V3 robotynyň boýy 173 sm, agramy bolsa 57 kg. Onuň işleýşinde Tesla-nyň awtopilot ulgamy bilen meňzeş emeli aň we sensorlar ulanylýar. Robota ýük götermek, arassalamak, eltmek hem-de hatda stoluň üstünde oýnalýan oýunlary oýnamak ýaly wezipeleri ýerine ýetirmäge öwredildi.
2025-nji ýylda Tesla kompaniýasy içerki ulanyş üçin 5 müňden 10 müňe çenli Optimus V3 robotyny öndürmegi meýilleşdirýär. 2026-njy ýylda bolsa bu san 100 müň birligine çenli ýetirilip, robotlar satuw üçin bazara çykarylar. Optimus V3-niň çaklanylýan bahasy 20 müňden 30 müň amerikan dollaryna çenli bolar.
ORIENT
